Ukraina zatrymała rasijskaha špijona: jaho zavierbavali «na dziaŭčynu»
Rasijski ahient z pazyŭnym «Dziamiencij» kaža, što adčuvaŭ, što adnojčy zakon pastukaje ŭ jaho dźviery, piša tsn.ua. «Ja da hetaha byŭ hatovy. Ja ž bačycie, supracivu nie akazvaŭ. Nia biŭsia hałavoj ab ścianu, nie valaŭsia ŭ isterycy. Ja da hetaha maralna byŭ hatovy », — skazaŭ jon.
I hetaje pačućcio nie pieraškadžała jamu hadami pracavać na FSB. Žychary zvyčajnaj šmatpaviarchoŭki ŭ Kremienčuhu Pałtaŭskaj vobłaści paniaćcia nie mieli, što ich susied, były aficer ukrainskaj milicyi, źjaŭlajecca ahientam rasijskich śpiecsłužbaŭ. U kvatery ahienta znajšli šmat fajłaŭ z sakretnaj infarmacyjaj ab ŭkrainskich vajskoŭcach. U pryvatnaści, śpis aficeraŭ zapasu, prypisanych da Kremienčuhskaha vajenkamatu. Paśla vyśviatlajecca, što mienavita hety ahient zdaŭ FSBšnikam ŭkrainca Ihara Kijašku, jakoha ŭ Rasii asudzili na vosiem hadoŭ. Jon sabraŭ infarmacyju na Ihara i pieradaŭ rasijanam.
Padčas pieratrusu ŭ ahienta taksama była zajava ab žadańni nibyta dobraachvotna dapamahać izrailskaj vyviedcy, jakuju jon adpraviŭ na sajt «Masad». «Atrymaŭ adkaz, što im patrebnyja ludzi, jakija viedajuć iŭryt », — raspavioŭ mužčyna.
Heta tolki niaznačnaja častka tych zadač, jakija za piać hadoŭ paśpieŭ vykanać «Dziamiencij». Jon pracavaŭ za hrošy. U jaho kvatery kanfiskavali bolš za dzieviać tysiač dalaraŭ. «Jon raśpisvaŭsia za sumu bolšuju, čym taja, jakuju jamu vydavali na ruki», — skazaŭ «Andrej», aficer Departamienta kontrvyviedki SBU.
Navar zabirali sabie ciapierašnija padpałkoŭniki FSB, byłyja ŭkrainskija siłaviki — Mikałaj Pucincaŭ i Kirył Simahin, jakija zładzili ahientu «miadovuju pastku». Na krymskim uźbiarežžy, dzie aficer u adstaŭcy adpačyvaŭ, jon raptam sustreŭ haračuju pryhažuniu. «Tolki padymajemsia, a jana kryk padniała, što nibyta ja jaje zhvałciŭ. Tut źjaŭlajecca ŭčastkovy i jašče niejki čałaviek u cyvilnym », — uspomniŭ «Dziamiencij».
Dalej była prapanavanaja alternatyva: termin u rasijskaj turmie ci praca na FSB.
«Dziemianciju» śviecić 12 hadoŭ za kratami.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary