Novym kiraŭnikom Homielščyny staŭ 56-hadovy ahrarnik, jaki zrabiŭ karjeru ŭ Niaśvižy i Klecku
Alaksandr Łukašenka pryznačyŭ na pasadu staršyni Homielskaha abłvykankama Hienadzia Sałaŭja, pieradaje BiełTA.
Hienadź Sałaviej naradziŭsia ŭ 1963 hodzie ŭ vioscy Tupoły Navahrudskaha rajona. U 1988 hodzie skončyŭ Biełaruskuju dziaržaŭnuju sielhasakademiju, u 2012 hodzie — Akademiju kiravańnia pry Prezidencie.
Da 1992 hod pracavaŭ na roznych pasadach sielskahaspadarčych arhanizacyj Niaśvižskaha rajona Minskaj vobłaści. Zatym u hetym ža rajonie uładkavaŭsia na pracu ŭ sielskahaspadarčy vytvorčy kaapieratyŭ «Łań», dzie z 1992 pa 1999 hod prasoŭvaŭsia pa słužbie i staŭ staršynioj praŭleńnia kaapieratyva «Łań-Niaśviž», a ŭ 2011 hodzie — dyrektaram AAT «Łań-Niaśviž».
Na praciahu 2012—2018 hadoŭ Hienadź Sałaviej pracavaŭ u kiraŭnictvie miascovych orhanaŭ ułady: źjaŭlaŭsia pieršym namieśnikam, staršynioj Niaśvižskaha rajvykankama, uznačalvaŭ Klecki rajvykankam. Da pryznačeńnia na pasadu staršyni Homielskaha abłvykankama byŭ pieršym namieśnikam staršyni.
Pasada zastavałasia vakantnaj z taho času, jak Uładzimir Dvornik, što kiravaŭ Homielskaj vobłaściu z 2010-ha pa krasavik 2019 hoda, byŭ pryznačany na pasadu namieśnika premjer-ministra.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary