Va Ukrainie dla ŭzmacnieńnia pazicyj dziaržavy ŭ infarmacyjnaj baraćbie budzie stvorany mižnarodny ruskamoŭny kanał, raspavioŭ namieśnik kiraŭnika ofisa prezidenta Ukrainy Kirył Cimašenka, piša Interfax.by.
Pavodle jaho słoŭ, taki kanał patrebny, kab Ukraina mahła «zmahacca za rozum» ukraincaŭ na niekantralavanych terytoryjach Danbasa i Kryma, tak i za rozum rasiejcaŭ na terytoryi Rasii.
«U nas raspracavany varyjant zapusku ŭkrainskaha ruskamoŭnaha kanała, jakim my zmožam pakryvać ruskamoŭnaje nasielnictva pa ŭsim śviecie», — paviedamiŭ Cimašenka.
Cimašenka dadaŭ, što kanał, chutčej za ŭsio, budzie dziaržaŭnym z častkovaj tranślacyjaj «samaha kłasnaha kantentu» pryvatnych kanałaŭ.
0
0
0
0
0
0
