U milicyju patelefanavała žančyna i paviedamiła, što da jaje dziciaci ŭ padjeździe doma padychodziŭ małady chłopiec i prapanoŭvaŭ pakaštavać narkotyki. Milicyjaniery zaŭvažyli padazronaha maładoha čałavieka.
20-hadovaha chłopca zatrymali i dastavili ŭ rajonnaje ŭpraŭleńnie. Paźniej stała viadoma, što minčuk z takoj prapanovaj padychodziŭ i da inšych dziaciej, jakija hulali niedaloka ad doma. Jak akazałasia, parušalnik znachodziŭsia nie tolki ŭ stanie ałkaholnaha apjanieńnia, ale i pad uździejańniem Alfa-PVP.
Złamyśnik rastłumačyŭ pravaachoŭnikam, što nabyvaŭ narkatyčnaje rečyva vyklučna dla ŭłasnaha spažyvańnia praź internet-kramu, paśla čaho znachodziŭ zakładku. Pra toje, što jon prapanoŭvaŭ pakaštavać narkotyki dzieciam u padjeździe žyłoha doma i na vulicy, zatrymany nie pamiataje, tłumačačy tym, što znachodziŭsia pad uździejańniem narkotykaŭ i ałkaholu.
Składzieny pratakoł ab administracyjnym parušeńni na padstavie častki 6 artykuła 17.3 («Raśpićcio ałkaholnych, słabaałkaholnych napojaŭ ci piva, spažyvańnie narkatyčnych srodkaŭ abo psichatropnych rečyvaŭ, ich anałahaŭ u hramadskim miescy abo źjaŭleńnie ŭ hramadskim miescy ci na pracy ŭ stanie apjanieńnia») KaAP.
