30 lipienia nie stała Ały Miaśniankinaj, namieśnicy dyrektara Bresckaj abłasnoj biblijateki. Dziakujučy joj biblijateka stała značnym centram biełaruskaj kultury ŭ Breście.
«Heta jaje namahańniami Bieraściejskaja abłasnaja biblijateka pačała ładzić vydatnyja mižnarodnyja navukovyja kanfierencyi «Bieraściejskija knihazbory», paśla jakich vychodzili hustoŭna aformlenyja salidnyja tamy z najcikaviejšymi materyjałami pa historyi knižnaj i vydavieckaj spravy dy historyi kraju. Heta jaje namahańniami ŭ abłasnoj biblijatecy byŭ stvorany i ŭvieś čas papaŭniaŭsia adździeł redkaj knihi.
Dziakujučy Ale Michajłaŭnie ŭ abłasnoj biblijatecy pastajanna na praciahu mnohich hadoŭ adbyvalisia roznyja krajaznaŭčyja i biełaruskija imprezy, zaprašalisia tvorčyja asoby, u tym liku i tyja, jakich ciapierašniaja ŭłada zapisała ŭ svoj śpis «niepažadanych» dziela ich pohladaŭ.
Heta ŭ tym liku i jana niastomna prabivała pierad uładami ideju ŭšanavańnia ŭ pomniku słavutaj Bieraściejskaj (Radziviłaŭskaj) Biblii. I hety pomnik ciapier staić pierad biblijatekaj.
Ała Michajłaŭna była vydatnym prafiesijanałam u svajoj biblijatečnaj spravie, jakuju rabiła nia tolki z abaviazku, a ŭkładała ŭ jaje svaju dušu i siły, navat tady, kali ŭžo ciažka zachvareła. Jana była ščyrym, adkrytym i pryjaznym čałaviekam, ź jakim było prosta i pryjemna kantaktavać. Viečnaja joj pamiać!» — piša brescki krajaznaviec Ihar Baranoŭski.
Raźvitańnie z Ałaj Miaśniankinaj płanujecca na čaćvier, 1 žniŭnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary