Los prezidentaŭ, jakija pryjšli da ŭłady šlacham «aranžavych revalucyj» u svaich krainach, pradvyznačany. Tak śpikier Dziarždumy Vałodzin prakamientavaŭ infarmacyju pra toje, što były ŭkrainski lidar Piatro Parašenka źjechaŭ z krainy, pieradaje TASS.
U jakaści prykładu Vałodzin pryvioŭ byłoha prezidenta Hruzii Michaiła Saakašvili, jaki «staŭ dla svajoj radzimy nieŭjaznym». «A ŭčora Parašenka ź siamjoj pakinuŭ Ukrainu», — zajaviŭ jon žurnalistam.
Pa słovach śpikiera Dziarždumy, i Parašenka, i Saakašvili pryjšli da ŭłady «pry źniešniaj padtrymcy» i nanieśli svaim krainam «niepapraŭnuju škodu». U pryvatnaści, zajaviŭ jon, Hruzija «straciła Abchaziju i Paŭdniovuju Asieciju» z-za dziejańniaŭ eks-prezidenta. «Ukraina, niekali ekanamična kvitniejučaja i samadastatkovaja, straciła suvierenitet i pahruziłasia va ŭnutranyja kanflikty», — dadaŭ Vałodzin.
Napiaredadni krynicy «Ukrainskaj praŭdy» paviedamili, što Parašenka razam ź siamjoj adpraviŭsia adpačyć u Turcyju. Niekatoryja z členaŭ siamji eks-prezidenta vylecieli ŭ Stambuł ŭ kancy minułaha tydnia. Pa słovach surazmoŭcaŭ vydańnia, Parašenka taksama napisaŭ zajavu ab admovie ad dziaržaŭnaj achovy.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary