Ekśpierty nazvali niepaźbiežnym pierachod «Jandeksa» pad rasijskaha dziaržaŭnaha akcyjaniera
Ekśpierty «Reniesans Kapitału» ličać, što pierachod kampanii da dziaržaŭnaha akcyjaniera niepaźbiežny praz zakonaprajekt, jaki abmiažoŭvaje dolu zamiežnaha kapitału ŭ internet-kampanijach, daviedaŭsia rasijski Forbes.
Uniesieny ŭ Dziarždumu zakonaprajekt ab abmiežavańni zamiežnaha ŭdziełu ŭ značnych rasijskich internet-resursach — heta sproba cisku na «Jandeks» napiaredadni majučych adbycca pieramoŭ. Pra heta havorycca ŭ zapiscy analitykaŭ «Reniesans Kapitału», pryśviečanaj zakonaprajektu.
«Nichto nie choča, kab zakonaprajekt prajšoŭ, ale jon ujaŭlaje saboj instrumient, jaki prymusić kampaniju pahadzicca na źmieny», — havorycca ŭ dakumiencie.
Na dumku ekśpiertaŭ, kiraŭnik «Śbierbanka» Hierman Href nie dapamoža «Jandeksu», i pierachod kampanii da dziaržaŭnaha akcyjaniera niepaźbiežny. Href, jaki raniej braŭ u pieramovach udzieł na baku «Jandeksa», na hety raz u ich udzielničać nie budzie, miarkujuć analityki «Reniesans Kapitału».
Jakaja mienavita dziaržkampanija moža ŭ hetym vypadku źjavicca siarod akcyjanieraŭ «Jandeksa» — «nie maje značeńnia», pišuć ekśpierty. U toj ža čas adznačajecca, što ekśpierty nie ličać heta «najhoršym scenaram». «Jandeks» zastaniecca sfakusavanaj na kamiercyjnym pośpiechu i inavacyjnaj kampanijaj», — havorycca ŭ zapiscy.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary