Nation, Memory and Cosmopolitanism. Vyjšła jašče adna kniha pra Biełaruś pa-anhlijsku
Brytaniec Sajman Ljuis, navukovy supracoŭnik Centra słavianskich daśledavańniaŭ Patsdamskaha ŭniviersiteta (Niamieččyna) pry kancy 2018 hoda vydaŭ knihu «Belarus — Alternative Visions. Nation, Memory and Cosmopolitanism».
Jon analizuje historyju i litaraturu, daśleduje ŭ tym liku pošuki biełaruskaj nacyjanalnaj idei ŭ lusterku litaratury.
Janka Kupała, Vasil Bykaŭ, Uładzimir Karatkievič — u minułyja časy. Z sučasnych aŭtaraŭ Ljuis padrabiazna spyniajecca na troch vielmi roznych. Heta Ihar Babkoŭ i jaho kniha «Adam Kłakocki i jahonyja cieni», Natałka Babina i jaje raman «Rybin horad» i Alhierd Bacharevič sa svajoj «Sarokaj na šybienicy».
«The works of Ihar Babkou (born 1964), Natalka Babina (born 1966) and Al'hierd Bakharevich (born 1975) explicitly undermine Belarusian nationalist discourse, suggesting the viability of a Belarusian identity that is unconfined within the boundaries of nationhood», — piša Ljuis. «Tvory Ihara Babkova, Natałki Babinaj i Alhierda Bachareviča naŭmysna padryvajuć [tradycyjny] biełaruski nacyjanalistyčny dyskurs, i heta prykmieta žyćciazdolnaści biełaruskaj tojesnaści, jakaja nie zvodzicca tolki dziaržavy».
«Biełaruś časta ličać «apošniaj dyktaturaj Jeŭropy», svojeasablivym skamianiełym reštkam Savieckaha Sajuza. Adnak hałoŭnym čyńnikam, jaki vyznačaje raźvićcio Biełarusi, uklučajučy vierahodnaść budučaha raźvićcia, źjaŭlajecca ŭłasnaje pačućcie identyčnaści. U hetaj knizie vyvučajucca składanyja dyskusii i kankurujučyja naratyvy, jakija tyčacca identyčnaści Biełarusi, i vyjaŭlajecca značna bolš raznastajnaja karcina, čym šyroka pryniataja manalitnaja postsavieckaja nacyja. U raździele miedyja, uklučajučy histaryjahrafiju, filmy i litaraturu, jana razhladajecca jak bačańnie Biełarusi jak nacyi, pabudavanaj z XIX stahodździa da našych dzion. U joj akreślena składanaja karcina sprečnych mifaŭ — «sialanskaj nacyi» ChICh stahodździa, addanaj savieckaj respubliki kanca XX stahodździa i sučasnaha biełaruskaha nacyjanalizmu, nastrojenaha na pierahlad raniejšych stereatypaŭ. Aŭtar pakazvaje, što Biełarusi charakternaja vielizarnaja kulturnaja, moŭnaja i etničnaja palifanija jak u žyvoj historyi, tak i ŭ kulturnaj ujavie», — havorycca ŭ anatacyi da knihi.
Kniha napisana na asnovie doktarskaj dysiertacyi, jakuju daśledčyk abaraniŭ u Kiembrydžskim univiersitecie ŭ 2014 hodzie.
Kamientary