Biełaruskaja kamanda atrymała pieramohu adrazu ŭ dźviuch naminacyjach na premii «Zvukovaja dorožka» («ZD Awards»), što pravodzić hazeta «Moskovskij komsomolec» z 1978 hodu.
«Lapisy» pryznanyja nie tolki najlepšaj rok‑hrupaj hodu. Jany pieramahli i ŭ naminacyi «Hurt hodu», apiaredziŭšy «Horod 312», Quest Pistols, «Mumij Trołl» i «Bumboks».
U lik naminantaŭ na «ZD Awards» biełaruski hurt trapiŭ upieršyniu i adrazu ŭ try katehoryi: «Rok», «Hurt hodu» i «Albom hodu». Kankurenty Michałka i kampanii zusim niesłabyja — Ziemfira, «Mumij Trołl», «Akvarium», «Bi‑2», «Horod 312», «Bumboks», Noize MC, Quest Pistols i navat Dzima Biłan (u naminacyi «Albom hodu»). Darečy rasiejskaja pop‑zorka pretendavaŭ adrazu na piać statuetak, a pa vyniku atrymaŭ tolki adnu. A «Lapisy» — dźvie, jak najlepšy hurt i najlepšy rok‑prajekt hodu.
Siarhiej Michałok zaŭvažaje, što jaho hurt byŭ adzinym naminantam «Zvukovoj dorožki», što praktyčna nia byŭ pradstaŭleny ŭ medyja‑prastory:
«My nie hučym na na «Russkom Radio», nas nie pakazvajuć na centralnych kanałach, za nami niama mahutnych karparacyj i my abapirajemsia tolki na ŭłasnyja resursy.Tamu hetu premiju atrymać było pryjemna, bo heta značyć, što hrošy dy pijar‑technalohii jašče nia ŭsio vyrašajuć u sučasnym šoŭ‑bizie».
Tym časam, «Lapis» rychtujecca da biełaruskaha turu.Vystupy projduć u Bieraści, Horadni, Mahilovie, Homieli, Navapołacku, Salihorsku i Babrujsku. Centralny kancert turu adbudziecca 9 sakavika ŭ mienskim Pałacy sportu.
