Nił Ušakoŭ pakinuŭ pasadu mera i pakinuŭ u Ryžskaj dumie dvuch katoŭ. U hałoŭnaha kandydata na kresła kiraŭnika horada — alerhija na katoŭ. Los žyvioł zastajecca niavyznačanym.
Katoŭ Nił Ušakoŭ uziaŭ z prytułku ŭ 2011 hodzie, prykładna praz hod paśla prychodu ŭ Ryžskuju dumu. Murysa ŭ Ryžskaj dumie ličać intelihientnym intraviertam, Kuziu — zorkaj.
Jany «ŭdzielničali» ŭ pres-kanfierencyjach mera, svabodna kantaktavali z žurnalistami, nie saromielisia kamier, špacyravali pa stałach, zdymalisia dla rekłamy horada, sustrakalisia z haściami kiraŭnika horada i ŭpryhožvali jaho staronku na fejsbuku. Z časam za katami zamacavaŭsia niefarmalny status «aficyjnych ryžskich katoŭ».
U pačatku krasavika 2019 hoda Ušakova adchilili ad vykanańnia abaviazkaŭ mera, u červieni jon aficyjna pakinuŭ Ryžskuju dumu i pierajšoŭ na pracu ŭ Jeŭraparłamient. Katoŭ Nił Ušakoŭ pakinuŭ u svaim byłym ofisie ŭ Ryžskaj dumie.
Niekalki miesiacaŭ šmathadovyja partniory pa kaalicyi — partyi «Zhoda» (partyja Ušakova) i «Honar słužyć Ryzie» — sprabavali padzialić kresła mera, adnak nikomu nie ŭdavałasia sabrać bolšaść hałasoŭ. U hety čas katy praciahvali žyć u ofisie kiraŭnika horada, dzie amal nikoha nie było.
Camym vierahodnym kandydatam na pasadu mera staŭ dziejny vice-mer Aleh Buraŭ.
U Burava na katoŭ alerhija, pavodle jaho słoŭ, katam nie miesca na stale mera, a kłapacicca pra žyvioł pavinna frakcyja «Zhody» ci niejkaja siamja.
«Chaču skazać, što, pa-mojmu, na hierbie Ryhi byli lvy. Davajcie nie budziem mianiać akcentaŭ», — zajaviŭ Buraŭ.
U pres-słužbie Ryžskaj dumy paviedamili, što aficyjnym uładalnikam žyvioł źjaŭlajecca Nił Ušakoŭ — tak zapisana ŭ ich dakumientach.
Pakul los katoŭ zastajecca niavyznačanym, jany praciahvajuć žyć u pryjomnaj mera. Ich dahladaje sakratar, korm apłačvaje sam Ušakoŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary