U.Bieražkoŭ: Telekamientatar Navicki zvaniŭ našamu karespandentu i abiacaŭ padavać u sud
Hałoŭny redaktar najbujniejšaj spartyŭnaj haziety Biełarusi «Priessboła» Uładzimir Bieražkoŭ prakamientavaŭ rašeńnie kamisii pa ŚMI Nacyjanalnaha alimpijskaha kamitetu nie akredytoŭvać jahonaje vydańnie na Alimpijadu ŭ Vankuvier.
Hałoŭny redaktar najbujniejšaj spartyŭnaj haziety Biełarusi «Priessboła» Uładzimir Bieražkoŭ prakamientavaŭ rašeńnie kamisii pa ŚMI Nacyjanalnaha alimpijskaha kamitetu nie akredytoŭvać jahonaje vydańnie na Alimpijadu ŭ Vankuvier.
«Samaje vialikaje zabłudžeńnie, jakoje jość va ŭsich, što nibyta my, pryvatnaje vydańnie, namierany pajechać na Alimpijadu za čužy rachunak. Ale heta nie tak. Bilet da Vankuviera i sutačnyja svaim karespandentam my apłačvajem. Dakładna tak, jak robim na astatnich mierapryjemstvach. U nas ža, kali ty nie dziaržaŭnaje ŚMI, a pryvatnaja hazieta, to ty ni na što nie zdolny i nijakich pravoŭ nie maješ. Absalutna šakujučuju dla cyvilizavanaha śvietu pazicyja. U toj ža Rasii na Alimpijadu jeduć usie pryvatnyja vydańni, tamu što tam pa vyznačeńniu niama dziaržaŭnych spartyŭnych ŚMI» — skazaŭ U.Bieražkoŭ.
Pa słovach hałoŭnaha redaktara, pakul reakcyi na abureńnie haziety nie było. «Kali nie ličyć taho, što spartyŭny kamientatar Uładzimir Navicki pazvaniŭ našamu karespandentu i paviedamiŭ, što źbirajecca padavać u sud. Abraziŭsia na vidavočnaje», — udakładniŭ U.Bieražkoŭ.
Kamientary