Juryst z Uładzivastoka Maksim Čychunoŭ nakiravaŭ u palicyju zajavu z prośbaj pryciahnuć da administracyjnaj adkaznaści prezidenta Rasii Uładzimira Pucina za jazdu na matacykle biez šlema. Pra heta jon paviedamiŭ na svajoj staroncy ŭ Facebook.
Pra mahčymaje pravaparušeńnie juryst daviedaŭsia z navin. Jon prosić pakarać Pucina i ludziej, jakija jechali ź im na «Urale», pa artykule «Parušeńnie pravił prymianieńnia ramianioŭ biaśpieki abo motašlemaŭ». Sankcyja hetaha artykuła praduhledžvaje štraf. Aštrafavać juryst prosić taksama inšych udzielnikaŭ motaprabiehu. Čychunoŭ zaŭvažyŭ, što zakon dla ŭsich adzin i nie pavinna być «nijakich padvojnych standartaŭ».
Uładzimir Pucin 10 žniŭnia naviedaŭ u Krymie arhanizavanaje motakłubam «Načnyja vaŭki» bajk-šou «Cień Vaviłona». Jon pryjechaŭ na mierapryjemstva za rulom matacykła «Urał». Za im na pasažyrskim siadzieńni siadzieŭ v.a. «hubiernatara» Sievastopala Michaił Razvažajeŭ, a ŭ kalascy — «kiraŭnik» Kryma Siarhiej Aksionaŭ.
