Staršynia Hrodzienskaha abłvykankamu raspavioŭ pra los pałacu ŭ Śviacku, pierśpiektyvy pabudovy vuhalnaj stancyi na bazie Zelvienskaj CEC dy pra toje, na čym budzie ekanomić vobłaść u bližejšy čas.
«My pavinny ekanomić na ŭsim: ad asadak i papiery da hazu i enierhii, jakija z kožnym hodam usio daražejuć»— zajaviŭ staršynia Hrodzienskaha abłvykankamu Uładzimir Saŭčanka, adkazvajučy na pytańni haziety «Viečiernij Hrodno». Pa jaho słovach, mahčyma skarocicca finansavańnie techničnaha pieraŭzbrajeńnia, nie buduć budavacca novyja zavody, a vysiłki buduć skiravanyja na zaviaršeńnie pačataha budaŭnictva.
Kiraŭnik Hrodzienščyny adznačyŭ, što
ŭ studzieni nazirałasia skaračeńnie tempaŭ rostu vytvorčaści na «Azocie» 105% suprać letašnich 115%,a taksama pryznaŭ fakt nazapašvańnia hatovaj pradukcyi na składach da 60%. Apošniaje jon patłumačyŭ praciahłymi vychodnymi ŭ Rasii, kudy zavozicca da 40% tavaraŭ.
Prapanova polskaja kampanii «Kulčyk Chołdynh» sumiesnaj pabudovy vuhalnaj elektrastancyi ŭ Biełarusi razhladajecca, zajaviŭ Saŭčanka, adnak kankretnaha rašeńnia ŭ adnosinach da hetaj prapanovy pakul niama. Prajekt aceńvajecca na sumu kala 1 miljardaŭ dalaraŭ.
Čynoŭnik taksama paviedamiŭ pra prajekt rasijskaj kampanii pa stvareńni pad Lidaj pradpryjemstva pa pierapracoŭcy nasieńnia rapsu i soi. Pamier inviestycyj siahaje pad $150 młn.
«Ci praŭda, što biełarusy ŭžo nie «bulbašy», bo pierad tradycyjnaj kulturaj — bulbaj u sielskaj haspadarcy ŭsio čaściej addajuć pieravahu kukuruzie i rapsu?» — zadała pytańnie «VH».
«My «bulbašami» byli i zastajomsia imi. Bulby stali vyroščvać mieniej, ale dastatkova.Siońnia našaja zadača — raźvivać nietradycyjnyja kultury» — byŭ adkaz Saŭčanki.
«Užo vyrašana, što Śviack zabiare Nacbank. Jak dziaržaŭnaja struktura, zhodna dziejučamu zakanadaŭstvu, biaspłatna. Paśla rekanstrukcyi tut płanujuć adčynić hatel, kaviarniu i zrabić miesca dastupnym dla naviedvańniaŭ»— raskazaŭ kiraŭnik vobłaści pra los pomnika XVIII st., jaki nichto tak i nie navažyŭsia nabyć na aŭkcyjonach.
Kamientary