Estonija nie kuplaje naŭprost biełaruskuju elektraenierhiju, ale kali takaja elektraenierhija, u tym liku ź Biełaruskaj AES, pačnie pastupać na rynak krain Bałtyi praź inšyja krainy, to jaje spažyvańnie mahčymaje i ŭ Estonii, piša ERR.
«Kali handal z trecimi krainami idzie praz Łatviju ci Litvu, to na rynak krain Bałtyi traplaje elektraenierhija z trecich krain. Z ulikam struktury rynku, niemahčyma skazać, ź jakoj kankretna elektrastancyi. Pakolki Biełaruskaja AES znachodzicca ŭ ciesna źviazanaj z krainami Bałtyi sistemie, to imavierna, što na hety rynak trapić i vyrablenaja na joj elektryčnaść», — paviedamiŭ vice-kancler pa pytańniach enierhietyki Ministerstva ekanomiki i kamunikacyj Estonii Cima Tatar.
Pavodle jaho słoŭ, Litva, jakaja vystupaje rezka suprać Biełaruskaj AES, aficyjna nie prasiła Estoniju bajkatavać hetuju elektraenierhiju, ale abmien infarmacyjaj na ŭzroŭni čynoŭnikaŭ na hetuju temu byŭ. Tatar adznačyŭ, što takija rašeńni znachodziacca ŭ kampietencyi Jeŭrapiejskaj kamisii, i kali kamisija vystupić ź inicyjatyvaj z nahody AES, to Estonija była b hatova jaje padtrymać.
Tatar rastłumačyŭ, što paśla zapusku AES u Astraŭcy ŭ Litvie pavinien ustupić u siłu zakon ab spynieńni handlu elektraenierhijaj ź Biełaruśsiu.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ9
Kamientary