Z 12.00 da 17.00 ŭ Minsku na terytoryi Vierchniaha horada (Minsk, płošča Svabody) adbudziecca Śviata ŭkrainskaj kultury.
U jaho prahramie vystupleńni prafiesijnych i samadziejnych tvorčych kalektyvaŭ i vykanaŭcaŭ z Ukrainy i Biełarusi. U fiestyvali voźmuć udzieł Akademičny narodny chor Čarnihaŭskaj abłasnoj fiłarmonii, džaz-ansambl BissQwit (Čarnihaŭ, Ukraina), kalektyvy ŭkrainskaj hramady Respubliki Biełaruś.
Naviedvalniki zmohuć pałasavacca smačnymi stravami ukrainskaj kuchni.
Padčas śviata budzie pradstaŭleny šerah vystaŭ, siarod jakich tradycyjnaja ŭkrainskaja vyšyŭka, tvory majstroŭ narodnych mastackich ramiostvaŭ Čarnihaŭskaj vobłaści i h.d. Taksama možna budzie nabyć navinki ŭkrainskaj litaratury i knihi pra Ukrainu.
U 15 hadzin u dvary kancertnaha zału «Vierchni horad»(płošča Svabody, 23 a) adbudziecca adkryty ŭrok ukrainskaj movy. Vykładačka kursaŭ ukrainskaj movy ŭ Minsku Aksana Ciplickaja abiacaje, što kožny, što jaho naviedaje, zahavoryć na «sałaŭinaj» ź pieršaha ž zaniatku.
