Kartaplaniki: biełaruski recept z tatarskimi karaniami
Voś jak ich hatavali ŭ vioscy Arda Kleckaha rajona Minskaj vobłaści.
Kartaplaniki z Kleckaha rajona — heta vareniki z bulbaj, ale hatujucca jany asablivym čynam. Mahčyma, hety recept navat maje tatarskija karani: na heta ŭkazvaje nazva vioski Arda Kleckaha rajona Minskaj vobłaści.
Inhredyjenty:
Dla načynki: 1 kh bulby, zvaranaj z łupinaj (najbolš padydzie staraja bulba, tamu zvyčajna kartaplaniki hatujuć viasnoj), 1 syroje i 5 varanych jajek, pučok zialonaj cybuli, pučok kropu, sol.
Dla ciesta: šklanka muki, syroje jajka, sol, 150 h vady.
Sposab pryhatavańnia:
Načynka: Bulbu i jajki abirajem ad łupinaŭ. Drobna narazajem cybulu i krop. Bulbu, jajki, krop i cybulu skidajem u vialikuju misku i dadajom soli na smak. Pačynajem siekčy nažom adrazu ŭ miscy, pastupova prakručvajučy jaje pa kruzie. Uvaha: treba nie miać, nie taŭčy, a mienavita siekčy. Pasiečanyja bulba i zielanina buduć lepš zachoŭvać smak i vodar. Paśla kožnaha pravarotu miski sumieś pieramiešvajem. Praciahvajem, pakul nie atrymajecca vielmi drobna pasiečanaja, amal adnarodnaja masa. Dadajom syroje jajka dla viazkaści i znoŭ pieramiešvajem. Sumieś pavinna nahadvać amal sucelny bulbiany kamiačok.
Ciesta: Źmiešvajem muku, vadu i jajka, dadajom soli na smak. Miesim i, hałoŭnaje, sočym, kab ciesta atrymałasia nie redkim. Nakryvajem ciesta ručnikom i dajom jamu krychu pastajać (chvilin 20). Raskačvajem ciesta, a paśla šklankaj vyrazajem u im kružočki. Kładziom na kružočki bulbianuju sumieś i zavaročvajem usio heta jak pielmieni abo vareniki. Kartaplaniki varym u krychu padsolenaj vadzie da hatoŭnaści.
Najbolš smačna jeści kartaplaniki krychu padstyłymi, mačajučy ich u rastoplenaje masła.
Kamientary
i kali sama rablu, to ŭ bulbu dadaju smažanuju cybulu - tak smačna