Kala 20 maładych hrodziencaŭ 25 žniŭnia prajšlisia maršam pa Savieckaj vulicy ŭ Hrodnie. Takim čynam jany chacieli vykazać svaju luboŭ da tvorčaści biełaruskaha vykanaŭcy Maksa Karža i zaprasić jaho ŭ Hrodna, piša Hrodna.life.
«Niechta z našych chłopcaŭ byŭ u Minsku na kancercie, a chtości nie pajechaŭ. Usich nas abjadnoŭvaje adno — Maks Korž. Jon kłasny vykanaŭca i pieśni ŭ jaho žyćciovyja. Zaprašajem jaho z kancertam u Hrodna», — raspavioŭ adzin z hrodziencaŭ.
Apošni raz Maks Korž vystupaŭ u Hrodnie ŭ 2015 hodzie, jaho kancert prachodziŭ u moładzievym centry «Hrodna».
Maks Korž 24 žniŭnia vystupiŭ na stadyjonie «Dynama» ŭ Minsku i sabraŭ kala 35 000 prychilnikaŭ. Siarod ich było šmat hrodziencaŭ.
0
0
0
0
0
0
