«Jon žyŭ u Noŭharadzie, a pierajazdžaje ŭ Minsk. Nieba i ziamla!» — PVT prymahničvaje ŭsio bolš zamiežnikaŭ

Čytačy «Našaj Nivy» sa śfiery IT-analitykaŭ źviarnuli našuju ŭvahu na cikavuju tendencyju: maŭlaŭ, nazirajecca prytok zamiežnych prahramistaŭ u biełaruskija firmy.

Jany źviazvajuć heta z pryniaćciem Dekreta №8, a kankretna — sa spraščeńniem praviłaŭ najmu na pracu zamiežnikaŭ. 

«Sapraŭdy, za hod paśla nabyćcia mocy Dekreta №8 «Ab raźvićci ličbavaj ekanomiki» kampanii-rezidenty PVT pryniali na pracu 508 hramadzian Rasii, 120 hramadzian Ukrainy, 57 hramadzian Kazachstana,

— raskazali «Našaj Nivie» u pres-centry PVT. — Heta pieršaja trojka, ale jość i zusim ekzatyčnyja rabotniki. Źviestki na sakavik 2019 hoda — heta 1109 zamiežnych rabotnikaŭ. I ličba raście kožny kvartał. Da kanca hoda možna budzie pachvalicca, što voś tut, u PVT, my ŭ niejkaj stupieni nie tolki spynili adtok mazhoŭ, ale i sami pryciahvajem zamiežnyja».

Pavialičyć

Ci možna sapraŭdy kazać pra niejki pierałom u tendencyi adjezdu pierśpiektyŭnych ludziej? 

Tut svaju dumku vykazaŭ bujny mieniedžar adnoj z kampanij PVT.

«Tut takaja reč: bolšaść tych ludziej, jakija źjazdžajuć, viartajecca. Nie viartajucca zvyčajna tolki sa Štataŭ, samyja hienii. Ale kali brać Polšču, Kipr, inšyja jeŭrapiejskija krainy, to viartajecca pieravažnaja bolšaść, papracavaŭšy tam niejki čas i ŭśviadomiŭšy, što čystych hrošaj u Minsku zastajecca bolš, čym tam.

Časta byvaje takoje, što siamja jedzie, jak jana dumaje, pa lepšaje žyćcio, i ŭ mužčyny prablem niama — nu jon siadzić, prahramiruje. A žonka nie moža sacyjalizavacca, znajści siabroŭ i hetak dalej. I tamu viartajucca.

Ale ja b skazaŭ, što viartajecca pracentaŭ 80, tamu pra niejkuju krytyčnuju ŭciečku prahramistaŭ nie vypadaje kazać. A što da nas pačali jechać, dyk heta fakt. Z Ukrainy jeduć, ruskija jeduć, bo tut vyšej uzrovień žyćcia.

Jon žyŭ u niejkim Noŭharadzie, a pierajazdžaje ŭ Minsk. Nu heta nieba i ziamla prosta pa ŭsich pakazčykach! Jon u Noŭharad bolš nie vierniecca nikoli, tut žyć prosta pryjemniej, złačynnaść nizkaja, pradukty bolš jakasnyja — dy što ni krani.

Kali brać Maskvu i Picier, nu tut užo moža być niejkaja kankurencyja, ale ź ich palitykaj dedałaryzacyi vychodzić, što zarobki ŭžo zraŭnialisia i navat u Minsku niedzie jany vyšej. Vaźmicie ciapier košt žyćcia tam i tut — i atrymajecca, što ŭrešcie pracavać u Biełarusi bolš vyhadna», — raskazaŭ «Našaj Nivie» mieniedžar bujnoj kampanii.

• 0
• 0
• 0
• 0
• 0
• 0