U kvartale dla minčukoŭ u Smalavičach pabudujuć šmatpaviarchoviki na elektryčnaści
U kvartale dla minčukoŭ-čarhavikoŭ na 20 damoŭ u Smalavičach pabudujuć kala dziesiaci šmatpaviarchovikaŭ z elektryčnym aciapleńniem i padahrevam vady. Pieršy taki dom pačnuć tam uzvodzić užo ŭ pačatku 2020 hoda. Pra heta Tut.by raspavioŭ hałoŭny architektar Minskaj vobłaści Vadzim Nikałajenka.
Kvartał znachodzicca ŭ paŭnočna-zachodniaj častcy Smalavičaŭ. Zaraz tam zdadzieny try šmatpaviarchoviki i zaviaršajecca budaŭnictva handlova-zabaŭlalnaha centra. Zusim chutka ŭ mikrarajonie pačnuć uzvodzić ekśpierymientalny dom dla minčan-čarhavikoŭ na 192 kvatery pa 614 dalaraŭ za «kvadrat», ale jon jašče budzie na hazie.
A ŭžo ŭ pačatku 2020 hoda MAPID pačnie budavać tut pieršy šmatpaviarchovik z elektryčnym aciapleńniem i padahrevam vady.
Pa słovach Vadzima Nikałajenki, takich damoŭ tut budzie kala dziasiatka. Dla hetaha treba budzie prakładka bolš mahutnych elektryčnych sietak.
Heta ŭsio śledstva hłabalnaha pieravodu biełaruskaj budhaliny na elektryčnyja rejki ŭ suviazi z chutkim zapuskam AES. Miarkujecca, što pry novych taryfach elektryčnaść stanie realnaj alternatyvaj hazu.
U budučyni ŭ mikrarajonie budzie jašče škoła i dziciačy sad. Całkam dabudavać kvartał na 20 šmatpaviarchovikaŭ płanujuć u 2022 hodzie. Miarkujecca, što žyllo tut budzie pradavacca pa tym ža pryncypie, što i ŭ ekśpierymientalnym domie.
I zrabić heta da 2023 całkam realna, bo niadaŭna było pryniata pryncypovaje rašeńnie ab tym, što finansavać raźvićcio spadarožnika ciapier budzie nie tolki Minskaja vobłaść, ale i Minsk.
Kamientary