Bieź vialikich adterminovak i z akcentam na kadry — Łukašenka vyznačyŭ pazicyju pa akazańni dziaržpadtrymki

Alaksandr Łukašenka siońnia, prymajučy z dakładam staršyniu Minskaha abłasnoha vykanaŭčaha kamiteta Anatola Isačenku, publična paznačyŭ svaju pazicyju pa pytańni mahčymaści akazańnia dziaržpadtrymki tym ci inšym prablemnym pradpryjemstvam, piša BiełTA.

«Pryncyp pracy adzin: ja hatovy vysłuchoŭvać składanyja prablemy (ich treba vyrašać, ich zaŭsiody chapaje i ŭ nas, i ŭ inšych dziaržavach), ale ich rašeńnie nie pavinna adkładacca, kali tyčycca padtrymki i dapamohi z boku dziaržavy, na niapeŭny čas», — padkreśliŭ jon. Jon rastłumačyŭ, što časam prapanujecca dać pradpryjemstvam adterminoŭki i rasterminoŭki pa peŭnych vypłatach na mnohija hady napierad.

«Pa-druhoje, vy mnie pavinny skazać, za košt kaho my budziem padtrymlivać hidraŭzmacnialniki (Barysaŭski zavod «Aŭtahidraŭzmacnialnik») i inšych. Jany ŭžo mianie ab padtrymcy prosiać jaki raz.

Užo i dyrektaraŭ tych niama, carstva im niabiesnaje. A ŭsie jany mianie prasili, — adznačyŭ Łukašenka. — A ja papiaredžvaŭ, i tady, i ciapier mahu skazać: vyrašać treba, pierš za ŭsio, kadravyja pytańni.

Bo, jak tolki mianiajem kiraŭnika, adrazu źjaŭlajecca niejki ŭsplosk aktyŭnaści na pradpryjemstvie. Potym jon za 10 hadoŭ kładziecca na pasadu i nie varušycca, a my nia je jamu dajem adterminoŭki, rasterminoŭki i zabiaśpiečvajem biudžetnyja ŭlivańni».

«Voś hetaha być nie pavinna. Tamu pryncyp našaj hutarki pavinien być zasnavany na tym, što, kali jość prablema, jaje treba vyrašać usim. A napružvacca treba, pačynajučy z pracoŭnaha kalektyvu luboha pradpryjemstva — tam, dzie jość prablemy», — dadaŭ Alaksandr Łukašenka

Kiraŭnik dziaržavy adznačyŭ, što zahadzia aznajomiŭsia z tymi pytańniami, ź jakimi pryjšoŭ na dakład hubiernatar. «U mianie skłałasia takoje ŭražańnie, što składanyja pytańni - u ekanomicy, asabliva na pramysłovych pradpryjemstvach - vy pasprabavali vyrašać va ŭradzie. Ale va ŭradzie ŭstanoŭka žalezabietonnaja (heta datyčycca i hubiernataraŭ): my nie možam uvieś čas pradpryjemstvy ciahnuć na plačach i ŭvieś čas akazvać niejkuju dziaržaŭnuju padtrymku. Pa-pieršaje, bieź jakich-niebudź harantyj, pa-druhoje, biespraśvietna. A, pa-treciaje, tam až da 2035 hoda adterminoŭki, rasterminoŭki, kredyty i hetak dalej», - źviarnuŭ uvahu biełaruski lidar.

Alaksandr Łukašenka padkreśliŭ, što jaho pazicyja nakont hetaha viadoma, i nieabchodna vyrazna stavić takija pytańni, kali ŭ tym uźnikaje patrebnaść: «Pa-mužčynsku, kali jość pytańnie. Ja skažu, budziem my ich vyrašać ci nie. Kali budziem, za košt kaho. Kali pazyčyć na hod-dva hrošaj - kali łaska, my možam pazyčyć. Ale na hod-dva. I, nie daj boh, niechta ich nie viernie. Heta zusim drenna».

«Ale ž pytańni, jakija vykładzieny, datyčacca nievykanańnia abaviazacielstvaŭ. Tam užo i padtrymka była, i harantyi vydavalisia. Prajšoŭ čas - znoŭ prosiać padtrymku, znoŭ niejkija harantyi. A čamu nie vykanali abaviazacielstvy, jak, dapuścim, ty ŭ sielskaj haspadarcy? Pazyčyŭ z reziervaŭ u minułym hodzie chleb - viarnuŭ. Ja razumieć budu, što maju spravu z prystojnym čałaviekam. Treba budzie jašče pazyčyć što-niebudź - kali łaska. Ale niezvarotna nie byvaje ni naturalnaj niejkaj apłaty, ni hrašovaj», - skazaŭ jon.

Jon taksama pacikaviŭsia ŭ Anatola Isačanki, što jaho naściarožvaje ŭ pramysłovym siektary i sielskaj haspadarcy. «U vioscy ŭsio idzie płanava, naściarožanaści nijakaj niama. Usie abaviazacielstvy, jakija my dali, vykonvajem. Dziakuj za toj ukaz, jaki vy padpisali pa «Miasamałpramu». My tam taksama abaviazacielstvy vykonvajem. Heta dało mahčymaść sielskaj haspadarcy pracavać bolš stabilna ŭ finansavym płanie», - dałažyŭ hubiernatar.

«Voś u takim płanie ja hatovy dapamahać i padtrymlivać. Dapamahli - abaviazacielstvy vykonvajucca, padjom pajšoŭ. Kali łaska, pa lubym pradpryjemstvie. Ale nie ŭ biezdań», - akcentavaŭ uvahu kiraŭnik dziaržavy.

Pa vynikach sustrečy Anatol Isačanka raskazaŭ žurnalistam, što kiraŭniku krainy było dałožana ab vynikach raźvićcia Minskaj vobłaści za 7 miesiacaŭ, prahnozie na vynik hoda. «Byli ŭźniaty pytańni ŭ častcy dalejšaha raźvićcia vobłaści ŭ płanie adukacyi, achovy zdaroŭja, budaŭnictva. Byli abaznačany padychody pa vyrašeńni hetych pytańniaŭ - što my płanujem rabić, za košt jakich resursaŭ. U asnoŭnym heta našy krynicy. Prezidentam hetyja padychody byli padtrymany. Nam zastajecca tolki pracavać i ruchacca», - adznačyŭ hubiernatar.

Što datyčycca pytańniaŭ akazańnia dziaržpadtrymki, jon udakładniŭ, što razmovy nie išło ab tym, kab z respublikanskaha biudžetu była akazana niejkaja niezvarotnaja dapamoha abo finansavańnie. «My ahučyli tyja padychody, jakija patrebny dla taho, kab hetyja pradpryjemstvy pracavali», - skazaŭ Anatol Isačanka.

• 0
• 0
• 0
• 0
• 0