Łukašenka na sustrečy z Patrušavym pryvioŭ adnosiny Biełarusi i Rasii ŭ prykład inšym krainam
Alaksandr Łukašenka pravioŭ siońnia sustreču z sakratarom Rady biaśpieki Rasii Mikałajem Patrušavym, pieradaje BIEŁTA.
«Jość šerah pytańniaŭ, jakija my prosta pavinny abmierkavać z vami. Jany vielmi važnyja dla dalejšaj našaj pracy ŭ biełaruska-rasijskich adnosinach, — skazaŭ Alaksandr Łukašenka. — Dumaju, nam z vami jość pra što pahavaryć, tym bolš što niadaŭna premjery sustrakalisia ŭ Maskvie pa raspracoŭcy i realizacyi damovy ab sajuznaj dziaržavie. My sprabujem vyjści na toje, na što možam na hetym etapie. Ale dobra, što my z Uładzimiram Uładzimiravičam (Pucinym) u Piciery vyrazna adkazali na ŭsie pytańni i pastavili zadačy ŭradaŭ, u jakim kirunku nam tut treba budzie ruchacca».
Jon adznačyŭ, što ŭ vizicie Mikałaja Patrušava ŭ Minsk niama nijakaj nadzvyčajščyny.
Jaho pajezdka była daŭno zapłanavanaj, choć niekatoryja ŚMI i zajmajucca kanśpirałohiju na hetaj hlebie. «Jon (vizit) budzie vielmi karysny dla dalejšaha ruchu ŭ biełaruska-rasijskich adnosinach. Nadzvyčajščyny być nie moža, bo, niahledziačy na šerah pytańniaŭ, navat adčuvalnych, daj boh, kab inšyja dziaržavy mieli adzin z adnym takija adnosiny, jakija majuć siońnia Biełaruś i Rasija», — zajaviŭ jon.
Kamientary