U milicyju z zajavaj ab kradziažy dakumienta źviarnuŭsia 29-hadovy žychar Baranavičaŭ. Jon paviedamiŭ, što nieviadomy nočču ź jaho aŭtamabila «Falksvahien Pasat», pryparkavanaha na vulicy Prytyckaha, vykraŭ pašpart, paviedamlaje Źviazda.
Pravaachoŭniki zmahli vyśvietlić abstaviny incydentu i ŭstanavić asobu padazravanaha ŭ złačynstvie. Vykradalnikam byŭ 22-hadovy žychar horada, raniej sudzimy za rabavańnie.
Pa infarmacyi Baranavickaha HAUS, nočču złamyśnik, budučy ŭ stanie ałkaholnaha apjanieńnia, hulaŭ pa nieachoŭnaj aŭtamabilnaj stajancy. Zaŭvažyŭšy niezačynieny aŭtamabil, mužčyna zalez u jaho sałon. Z mašyny jon uziaŭ tolki pašpart.
Zatym, majučy namier pažyvicca jašče, złodziej znajšoŭ inšy aŭtamabil, jaki taksama byŭ nie začynieny. Adnak tam ža i zasnuŭ z čužym pašpartam u kišeni. Ranicaj uładalnik mašyny, ubačyŭšy nieviadomuju asobu ŭ sałonie, adrazu vyklikaŭ milicyju.
Kamientary