U Rasii navukoviec-udmurt spaliŭ siabie ŭ znak pratestu suprać rusifikacyi
Pierad budynkam dziaržrady Udmurtyi byŭ ździejśnieny akt samaspaleńnia. Abliŭ siabie bienzinam i padpaliŭ Albiert Razin, były dyrektar Instytuta čałavieka Udmurckaha dziaržaŭnaha ŭniviersiteta.
![](http://nashaniva.com/img/w732d4webp1/photos/z_2019_09/51703069_102105834266530_113402886259474432_n-6kw9q.jpg.webp)
Tak navukoviec pratestavaŭ suprać rusifikacyi ŭdmurtaŭ u Rasii, piša sajt udm-info.ru.
Z saboj u jaho byŭ płakat sa słovami Rasuła Hamzatava: «Jeśli zavtra moj jazyk zabudut, ja hotov siehodnia umierieť».
Voś tekst jahonaj pietycyi:
![](http://nashaniva.com/img/w732d4webp1/photos/z_2019_09/photo_2019-09-10_10-02-57-jmdid.jpg.webp)
Z apiokami 100% cieła Albiert Razin byŭ dastaŭleny ŭ balnicu, dzie amal adrazu pamior.
Udmurtaŭ — kala 600 tysiač. Ich los — typovaja dola kałanizavanych narodaŭ.
Jašče ŭ 1926 hodzie jany składali 52% nasielnictva Udmurtyi. U 1939 hodzie — užo tolki 39%. Stalin abraŭ Pryŭralle ŭ jakaści centra abaronnaj pramysłovaści.
Na siońnia ŭdmurtaŭ va Udmurtyi — 28%. Ale ŭ nacyjanalnym parłamiencie deputataŭ-udmurtaŭ tolki 11%.
U Rasii navučańnie na movach nacyjanalnych mienšaściaŭ abmiežavana da krajnaści. Nacyjanalnuju movu vyvučajuć pieravažna ŭ vioskach, i ŭsio mienš, sučasnych ŚMI na ŭdmurckaj movie niama.
Kamientary