Prahrama ekanamičnaj intehracyi RF i Biełarusi pavinna być pradstaŭlena prezidentam dźviuch krain da kanca hoda, pakul što infarmacyja pra jaje nosić papiaredni charaktar. Pra heta žurnalistam zajaviŭ u paniadziełak pres-sakratar prezidenta RF Dźmitryj Piaskoŭ, piša TASS.
U paniadziełak hazieta «Kamiersant» paviedamiła, što hety dakumient, uzhodnieny premjerami dźviuch krain Dźmitryjem Miadźviedzievym i Siarhiejem Rumasam, praduhledžvaje, u pryvatnaści, mahčymaść pierachodu na adzinyja Padatkovy i Hramadzianski kodeksy, ahulny źniešniehandlovy režym, a taksama da adzinaha rehulatara rynkaŭ nafty, hazu i elektraenierhii.
«Pakul płan nie publikavaŭsia, nie raskryvaŭsia, tamu ŭsia hetaja infarmacyja nosić asabliva papiaredni charaktar», — skazaŭ Piaskoŭ, adznačyŭšy, što pra źmiest darožnaj karty stanie viadoma ŭ toj momant, kali ŭrady dźviuch krain buduć dakładvać pra heta prezidentam. Adkazvajučy na pytańnie ab terminach takoha dakładu, Piaskoŭ adznačyŭ, što prezidenty daručali zrabić heta «da novaha hoda, ale kankretnaj damoŭlenaści [pa dacie] pakul niama».
«Hety płan dziejańniaŭ, nakolki mnie viadoma, u vialikaj častcy ŭžo ŭzhodnieny, praviedziena vielmi surjoznaja praca z dvuch bakoŭ», — padkreśliŭ Piaskoŭ, adznačyŭšy, što havorka idzie ab praciahu krokaŭ u ramkach intehracyi.