Treba razhladać kryzis jak šanc na kardynalnyja palityčnyja, ekanamičnyja i sacyjalnyja pieramieny, piša ŭ svaim liście lider Kansiervatyŭna-chryścijanskaj partyi BNF Zianon Paźniak.
Treba razhladać kryzis jak šanc na kardynalnyja palityčnyja, ekanamičnyja i sacyjalnyja pieramieny, piša ŭ svaim liście lider Kanservatyŭna-chryścijanskaj partyi BNF Zianon Paźniak.
Usio bolš vykaźnikaŭ pakazvaje na toje, što kryzis budzie zaciažnym i, mahčyma, na niekalki hadoŭ. My nie razhladajem kryzis jak katastrofu, ale jak pierachodny peryjad raźvićcia, jakoje patrabuje abaviazkovaha abnaŭleńnia, pieramieny aryjentacyi, źmieny pryjarytetaŭ.
Bieź likvidacyi antybiełaruskaha režymu abnaŭlenčy vychad Biełarusi z kryzisu niemahčymy. Va ŭmovach kryzisu treba dziejničać zhodna ź jaho pryrodaj – hieneravać i nabližać pieramieny i abnovu stanovišča, a nie kanservavać pryčyny kryzisu (čym kinulisia zajmacca roznyja hramadzkija achoŭniki režymu). Treba razhladać kryzis jak šanc na kardynalnyja palityčnyja, ekanamičnyja i sacyjalnyja pieramieny ŭ biełaruskim hramadztvie. Likvidacyja nielehitymnaha pramaskoŭskaha režymu – heta abjektyŭnaja nieabchodnaść.
My musim pavialičyć i pašyryć našuju palityka-aśvietnickuju pracu pa padrychtoŭcy spryjalnaha asiarodździa dla pieramienaŭ.
Naša pazycyja pavinna ŭklučać patrabavańnie adchilić Łukašenku ad ułady, admianić nakinutuju falšavańniem kanstytucyju dyktatury, pravieści novyja vybary prezydenta (sumiesna z vybarami ŭ parlamant), zhodna z demakratyčnaj Kanstytucyjaj 1994 hoda i zakonami, stvoranymi na jaje asnovie.
Nastupnyja antykryzisnyja patrabavańni, jakija pavinny być pastaŭlenyja pierad uładaj: dać poŭnuju vytvorčuju svabodu ludziam, kab čałaviek moh bieśpieraškodna vyrablać, kuplać i pradavać, što choča, dzie choča i kamu choča. Ustanavić minimalnyja padatki dla takoha pradprymalnictva, vyznačyć systemu źnižeńnia i pazbaŭleńnia ad padatkaŭ u vypadku mecenackaj dapamohi i filantrapičnaj dziejnaści vyznačanym arhanizacyjam i asobam (škoły, invalidy, tvorčyja pačynańni i h. d.).
Ablehčyć i spraścić biełarusam vyjezdy na pracu za miažu. Źnizić košt arendnaj płaty za najom pamiaškańniaŭ dla biznesu i vytvorčaści ŭ niekalki razoŭ, a dla hramadzka-palityčnych i kulturnickich arhanizacyjaŭ u 10-20 razoŭ. Likvidavać manapoliju Administracyi prezydenta na arendnuju płošču, pamiaškańni i niežyły fond. Pieradać usio ŭ viedańnie miascovych uładaŭ.
Heta patrabavańni pieršych krokaŭ.
My ŭžo ciapier pavinny rychtavacca da adznačeńnia 25 Sakavika (Dzień Voli).Mitynh treba rychtavać jak palityčnaje antykryzisnaje mierapryjemstva.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary