Siońnia ranicaj u paŭdniovakarejskim Pjončanhu, dzie ŭ subotu pačniecca čempijanat śvietu pa bijatłonie, byli nazvanyja proźviščy bijatłanistaŭ, jakich złavili na dopinhu.
Na pres‑kanfierencyi ŭ paŭdniovakarejskim Pjončanhu, dzie ŭ subotu pačniecca čempijanat śvietu pa bijatłonie, siońnia ranicaj byli nazvanyja proźviščy bijatłanistaŭ, jakich złavili na dopinhu
Heta rasijanie Kaciaryna Jurjeva, Albina Achatava i Dźmitry Jarašenka. Jany dyskvalifikavanyja za vykarystańnie dopinhu — erytrapaecina.Rašeńnie pra termin dyskvalifikacyi budzie pryniaty ciaham dvuch tydniaŭ. Nie vyklučana, što spartsmieny prapuściać alimpijadu nie tolki ŭ Vankuviery, ale i ŭ Sočy ŭ 2014 h.
Partał Sport‑Siehodnia nazvaŭ hety skandał samym hučnym u historyi bijatłona.
Infarmacyja pra toje, što spartsmienaŭ złavili na dopinhu źjaviłasia jašče 3 lutaha (proby byli ŭziatyja ŭ spartsmienaŭ jašče ŭ śniežni padčas etapu Kubku śvietu ŭ Estersundzie). 11 lutaha adkryli probu «V». Proźviščy spartoŭcaŭ trymalisia ŭ tajnie, ale było viadoma, što heta lidery rasijskaj zbornaj, a ŭ sieradu nieaficyjna byli nazvanyja imiony Achatavaj, Jurjevaj i Jarašenki.
«My sutyknulisia z faktam sistematyčnaha ŭžyvańnia dopinhu ŭ bujnych pamierach u adnoj z samych mocnych zbornych śvietu, ‑‑ zajaviŭ prezident Mižnarodnaj fiederacyi bijatłonu Anders Besiebierh. — Abo my złavili ŭsich parušalnikaŭ, abo pabačyli tolki viaršyniu ajśbierha. Nijakich apraŭdańniaŭ tamu, što zrabili try rasijskija spartoŭcy i ludzi, źviazanyja ź imi, niama».
U ahulnym zaliku Kubku śvietu Jurjeva išła na pieršym miescy, na 47 bałaŭ apiaredžvajučy Kaci Vilhielm, Achatava była šostaj.
Dvuchrazovy čempijon śvietu Dźmitry Jarašenka ŭ mužčynskim zaliku išoŭ na 21‑m miescy.
Rasijanie ŭžo pakinuli miesca dysłakacyi rasijskaj zbornaj ŭ Pjončanhu i, naturalna, udziełu ŭ čempijanacie śvietu nie voźmuć.
***
Čempijanat śvietu pa bijatłonie startuje zaŭtra, u subotu. Uličvajučy roźnicu ŭ časie, honki buduć prachodzić ranicaj.
Zaŭtra ŭ 9:45 tranślacyja spryntu na 7,5 km u žančyn, u 12:15 projdzie sprynt u mužčyn.
U niadzielu ŭ 10:00 honka pieraśledu ŭ žančyn, u 12:15 — u mužčyn.
Chvarejem za biełarusaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary