Biełaruski ŭrad moža pajści na palapšeńnie adnosinaŭ z Zachadam u jakaści «supraćvahi» rostu kantrolu nad biełaruskaj ekanomikaj z boku Rasii,śćviardžaje ŭ dakładzie, padadzienym 12 lutaha ŭ amierykanski sienat, dyrektar nacyjanalnaj raźviedki ZŠA Denis Błer.
«U Biełarusi režym Łukašenki, jak ujaŭlajecca, hatovy supracoŭničać z Rasijaj u namahańniach pa supraćdziejańni sumiesnym płanam ZŠA, Prahi i Varšavy pa supraćrakietnaj abaronie,
ale namahańni Rasii pa kantralavańni klučavych siektaraŭ biełaruskaj ekanomiki mohuć padšturchnuć Minsk da palapšeńnia adnosinaŭ z Zachadam u jakaści supraćvahi Maskvie»,— havorycca ŭ dakładzie D.Błera, paviedamlaje RIA Novosti.
U dakumiencie zaznačajecca, što «Łukašenka zachoŭvaje aŭtarytarny kantrol nad uładaj i moža viarnucca da represiŭnych mier, kali hramadskaja niezadavolenaść u suviazi z paharšeńniem ekanomiki vyljecca ŭ pratesty».
Apošnija miesiacy A.Łukašenka nieadnarazova zajaŭlaŭ pra imknieńni aficyjnaha Minska raźvivać paŭnavartasnaje supracoŭnictva z Zachadam. U niadaŭnim intervju telekanału «Jeŭrańjus» jon stanoŭča acaniŭ inicyjatyvu ES «Uschodniaje partniorstva», a taksama vykazaŭ mierkavańnie, što «mnohija vykliki, ź jakimi Jeŭropa sutykajecca, nie mohuć być pieraadoleny bieź Biełarusi». U kastryčniku minułaha hoda ES prypyniŭ na paŭhoda dziejańnie vizavych sankcyj u dačynieńni da 35 biełaruskich čynoŭnikaŭ z 41, jakija byli ŭniesieny ŭ śpis nieŭjaznych.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary