Prezientacyja čarhovaj biełaruskaj knižnaj navinki adbyłasia ŭ ramkach vystavy «Śviet knih». Na hety raz čytačoŭ paznajomili z «Vialikim histaryčnym atłasam Biełarusi» — pieršaje navukova — daviedačnaje kartahrafičnaje vydańnie, jakoje detalova apisvaje padziei minuŭščyny.
Pieršy tom «Vialikaha histaryčnaha atłasa Biełarusi» daje mahčymaść šyrokamu kołu hramadstva zrazumieć historyju Biełarusi ad staražytnasci da sučasnasci, dazvalaje ujavić miesca biełarusaŭ siarod inšych narodaŭ. U knizie źmieščany 67 histaryčnych kart, raspracavanych sučasnymi daśledčykami, a taksama repradukcyi 22 staražytnych kart. Akramia hetaha, u skład toma ŭvajšli 7 tłumačalnych narysaŭ, hienieralnaja karta «Biełaruskija ziemli ŭ ChVI stahoddzi», chranałohija histaryčnych padziej ad staražytnasci da 1569 hoda.
Voś što paviedamiŭ pra stvareńnie atłasa jaho hałoŭny redaktar, dyrektar Biełaruskaha navukova‑daśledčaha centra elektronnaj dakumientacyi, kandydat histaryčnych navuk V. Nasievič: «Heta sapraŭdy vialikaja padzieja jak u razvicci biełaruskaj kartahrafii, tak i ŭ razvicci histaryčnaj navuki Biełarusi. I hetaja padzieja stała mahčymaj, dziakujučy kalektyŭnym namahańniam vialikaha koła ludziej. Pierš za ŭsio, heta aŭtarski kalektyŭ atłasa, jaki składajecca z pradstaŭnikoŭ roznych ustanoŭ, u tym liku Instytuta historyi NAN, supracoŭniki dziaržaŭnaj archiŭnaj słužby, ludzi, jakija brali ŭdzieł u recenzavanni i redahavanni atłasa, supracoŭniki pradpryjemstva «Biełkartahrafija»… Admietnaściu atłasa ŭ paraŭnanni z inšymi historyka‑kartahrafičnymi vydańniami źjaŭlajecca toje, što upieršyniu historyja Biełarusi, a mienavita jaje ranni pieryjad (da Lublinskaj unii 1569 hoda) padajecca nastolki padrabiazna. Pa‑novamu aśvietleny pieryjad pieršabytnaj historyi: padajucca nie tolki čysta archieałahičnyja karty, jak heta było va ŭsich papiarednich vydańniach, ale i histaryčnyja, jakija adlustroŭvajuć pracesy, što adbyvalisia na terytoryi krainy, jakija viali da farmiravańnia biełaruskaha etnasu. U dadatak źmieščany histaryčnyja karty 15‑16 stahodździaŭ, jakija dazvalajuć ubačyć, što ŭjaŭlali saboj biełaruskija ziemli ŭ toj čas. Hety atłas budzie cikavy nie tolki dla vykładčykaŭ, navučencaŭ, ale i dla vučniaŭ…
Stvaralniki atłasa płanujuć vypuscić jašče dva tamy.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary