Znakavy dzień - ministr zamiežnych spravaŭ Biełarusi zrabiŭ vietlivuju zaŭvahu niamieckamu žurnalistu padčas pres‑kanfierencyi ŭ Bierlinie, kali toj užyŭ varyjant nazvy našaj kraina Weissrussland.
Znakavy dzień - ministr zamiežnych spravaŭ Biełarusi zrabiŭ vietlivuju zaŭvahu niamieckamu žurnalistu padčas pres‑kanfierencyi ŭ Bierlinie, kali toj užyŭ varyjant nazvy našaj kraina Weissrussland.
«We are not Weissrussland, we are Be‑la‑rus», zaŭvažyŭ kiraŭnik biełaruskaha zamiežnapalityčnaha viedamstva Sierhiej Martynaŭ.
Paŭtarahadzinnaja sustreča ź biełaruskim ministram, jakaja była arhanizavanaja Niamieckim tavarystvam źniešniaj palityki ŭ prezidenckim hateli Adlon, pravodziłasia na anhlijskaj movie.
Jak pišuć niamieckija vydańni, za hety čas adbyłosia toje, što raniej było niemahčyma. Nie było skazana ničoha pra «apošniuju dyktaturu Jeŭropy», razmova išła pra novyja pierśpiektyvy dačynieńniaŭ pamiž Biełaruśsiu i ES.
Adkazvajučy na pytańnie žurnalista, jaki ŭžyŭ słova Weissrussland, Martynaŭ padkreśliŭ, što Biełaruś (Be‑la‑rus) nikoli nie prasiła sastupak jak miłaściny, a prapanoŭvała siabie ŭ jakaści partniora. Kali kraina hieahrafična «ŭcisnutaja» pamiž Rasijaj i ES, y jaje nie zastajecca inšaha vybaru, jak dbać pra dobryja dačynieńni z abodvuma partniorami.
Pavodle niamieckaha vydańnia Neues Deutschland, kiraŭnik biełaruskaha MZS — kolišni vypusknik MHIMO, jaki vałodaje vydatnaj anhlijskaj movaj i maje dośvied ambasadarskaj pracy ŭ šerahu krain — zrabiŭ uražańnie ŭpeŭnienaha ŭ sabie čałavieka, jaki «adyhryvaje rolu biełaruskaha ledakołu».
Bierlinskaje vydańnie Tageszeitung daje, adnak, inšuju acenku sustrečy. Hazieta jaje charaktaryzuje jak «flirt Minska z zachodnim partnioram». Toj, chto viedaje realnuju biełaruskuju ŭnutrypalityčnuju situacyju, nie moža pazbavicca pačućcia skiepsisu. Hetaje pačućcio zastajecca, niahledziačy na ŭsio ciapierašnija zalacańni Biełarusi da ES, piša aŭtar artykuła.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary