Na biełaruska‑ŭkrainskaj miažy pamiežniki źniali ź ciahnika aktyvista niezarehistravanaj arhanizacyi «Małady front» Arcioma Dubskaha.
Siońnia ŭ Homieli aryštavali asudžanaha pa «spravie 14‑i» aktyvista «Maładoha frontu» Arcioma Dubskaha,paviedamiła NN namieśnica staršyni arhanizacyi Nasta Pałažanka. Chłopiec jechaŭ ciahnikom z Kijevu ŭ Minsku dla ŭdziełu ŭ akcyi na Dzień śviatoha Valancina. Ciapier aktyvist znachodzicca ŭ asipovickim SIZA.
Nahadajem, što ŭ kastryčniku 2008 hodu Arciom Dubski byŭ vymušany paprasić palityčny prytułak va Ŭkrainie, bo suprać jaho była zaviedzienaja kryminalnaja sprava artykule 415 UK RB (Uchileńnie ad adbyvańnia pakarańnia ŭ vyhladzie abmiežavańnia voli).
U krasaviku letaś Arciom Dubski ŭ ramkach «pracesu 14‑i» byŭ pakarany sudom Centralnaha rajonu Minsku dvuma hadami abmiežavańnia voli biez nakiravańnia ŭ miescy adbyćcia pakarańnia. Paśla prysudu chłopiec uładkavaŭsia na pracu ŭ rodnych Asipovičach, zarablaŭ pa naborach i razdrukoŭkach tekstaŭ.
6 kastryčnika, kali chłopiec źjaviŭsia ŭ milicyi dla štotydniovaha adznačeńnia, jamu paviedamili, što suprać jaho zaviedzienaja kryminalnaja sprava. U toj samy dzień «maładafrontaviec» źjechaŭ u Kijeŭ.
Pa našych źviestkach, Arciom Dubski ŭžo niekalki razoŭ naviedvaŭ Biełaruś. Takim čynam možna zrabić vynik, što hetym razam była dadzienaja kankretnaja kamanda aryštavać Arcioma.
Całkam imavierna, što da suda Dubskaha mohuć źmiaścili ŭ śledčy izalatar da sudu. Maksimalnaja miera pakarańnia pa artykule 415 KK try hady pazbaŭleńnia voli.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary