president.gov.by
Alaksandr Łukašenka na sustrečy sa staršynioj Dziaržaŭnaha vajenna-pramysłovaha kamiteta Ramanam Hałoŭčankam źviarnuŭ uvahu na apłatu pracy nizkaapłatnych rabotnikaŭ, paviedamlaje pres-słužba kiraŭnika krainy.
— Ja pahladzieŭ pa Oršy: dobra, što vy da kanca hoda ŭ siarednim chacia b vyjdzicie na 1 tys. Ale treba bačyć, što ŭ Dziaržkamvajenpramie jość nizkaapłatnyja pracaŭniki, i ich zarobak, jak pa ŭsioj krainie, treba padciahvać da hetaj siaredniaj zarpłaty. Ja vas nie šturchaju da taho, kab vy płacili ludziam niezaroblenyja hrošy. Nie, siońnia treba napružvacca, my na rynku pracujem: što zarabili, toje i padzialili. Tym ludziam, jakija ŭ vas pracujuć, treba płacić zarpłatu, kali vy ich naniali.
Kiraŭnik krainy dadaŭ, što tysiača rubloŭ — heta nie zavobłačnaja zarpłata, heta toj minimum, jaki dziaržava ŭ siarednim pavinna zabiaśpiečyć, usio astatniaje - u rukach samich hramadzian.
- Ale voś hety minimum, hetuju padušku biaśpieki dla ludziej my pavinny stvaryć, - skazaŭ jon.
