Maładaja pres-sakratarka Zialenskaha šturchała žurnalista, jaki chacieŭ zadać pytańnie prezidentu Ukrainy VIDEA
Śpikier prezidenta Ukrainy Uładzimira Zialenskaha Julija Miendel nakinułasia na karespandenta Radyjo Svaboda Siarhieja Andrušku.
Takim čynam Miendel pasprabavała pieraškodzić Andrušku zadać Zialenskamu niejkaje pytańnie.
U toj ža čas, pra što mienavita chacieŭ spytać Zialenskaha žurnalist, nie ŭdakładniajecca.
Sama Miendel adznačyła, što ahresija ŭ dačynieńni da karespandenta Radyjo Svabody była vyklikanaja jaho nastojlivym žadańniem zadać svajo pytańnie kiraŭniku dziaržavy.
Pry hetym svaje pavodziny Miendel pasprabavała apraŭdać tym, što ŭ ZŠA admova prezidenta adkazvać na pytańni ŚMI aznačaje, što žurnalistu zabaroniena padychodzić da kiraŭnika dziaržavy.
«Inakš žurnalista aryštujuć. Miedyja nastojvajuć, ale nie kidajucca. Tamu što asabistaja prastora pieršaj asoby — heta jaho/iaje biaśpieka», — zajaviła jana.
Śpikier Zialenskaha taksama śćviardžaje, što Andruška nie prosta zadavaŭ pytańnie, a «nakidvaŭsia na delehacyju».
Incydent pačaŭsia na 55 siekundzie videa.
Kamientary