Druhi ŁHBT-«Marš roŭnaści» prajšoŭ siońnia ŭ Lublinie z udziełam 1000 čałaviek. Marš prajšoŭ pa vulicach horada ŭ ačapleńni palicejskaha kardona. Praciŭniki sprabavali zabłakavać šeście, paviedamlaje Onet.pl.
Fota: Onet.pl.
Palicejskaja mašyna z vadzianoj harmataj była za praciŭnikami maršu. Nad maršam i jaho praciŭnikami kružyŭ palicejski viertalot.
Pieršaja sproba blakavańnia maršu jaho praciŭnikami zdaryłasia ŭ pačatku. Niedaloka ad miesca, dzie źbiralisia ŭdzielniki maršu, na darozie stajała hrupa z 200 čałaviek, niekatoryja ŭ bałakłavach. Palicyja zaklikała ich adstupić, i kali jany nie adreahavali, palicyja ŭžyła ślozatačyvy haz i adcisnuła ich nazad.
Taksama palicyja ŭžyła vadzianuju harmatu, kab prymusić praciŭnikaŭ maršu pakinuć darohu. U bok maršu z voknaŭ vylatali jajki.
Zatym zdaryłasia druhaja sproba zabłakavać šeście, aktyvisty razharnuli ściah z nadpisam: «Nacyja, jakaja aburanaja, maje prava na nadzieju, ale hora tym, chto hnije ŭ cišyni».
Palicyja zaklikała ich pakinuć vulicu, i kali jany nie pasłuchali, pravaachoŭniki ŭžyli ślozatačyvy haz i vadzianuju harmatu.
Pa papiarednich danych, palicyja zatrymała ź dziasiatak čałaviek, jakija sprabavali zabłakavać marš.
