Hvałtaŭnik ź Mikaševič abraŭ achviaraj 44-hadovuju žančynu, jakaja ranicaj, kali jašče było ciomna, išła na ciahnik, paviedamlaje Miedyja-Paleśsie.
Dačku pravodziła maci. Zatym žančyny rasstalisia, i, nie paśpieŭšy daloka adyści, maci pačuła kryki dački. Jana kinułasia nazad i stała klikać na dapamohu, a taksama vyklikała milicyju.
Hvałtaŭnik da hetaha času ściahnuŭ z achviary džynsy i bializnu. Ale, spałochaŭšysia, źbieh.
Praź niekalki chvilin na miesca złačynstva pryjechali milicyjaniery. Razam z paciarpiełaj jany stali abjazdžać vulicy i ahladać miaściny.
Padazravany schavaŭsia ŭ jary, niepadalok ad vakzała, dzie jaho i znajšli. Jaho dastavili ŭ Mikaševickaje adździaleńnie milicyi, a zatym źmiaścili ŭ izalatar.
Jak stała viadoma Miedyja-Paleśsiu, Łuniniecki rajadździeł Śledčaha kamiteta raspačaŭ kryminalnuju spravu pa artykule «Zamach na zhvałtavańnie» KK RB. Padazravanamu moža pahražać pakarańnie až da siami hadoŭ pazbaŭleńnia voli.
