Vice-mis konkursu «Krasa Rasii» -2017, uradženka Tambova Jaŭhienija Śmiatanina raspaviała, što znachodzicca ŭ ciažkim stanie paśla DTZ pad Minskam i joj treba budzie niekalki apieracyj, pieradaje ria.ru.
«Stan u mianie drenny, u lohkim trubka, pierałamanaje ŭsio cieła. Mianie treba litaralna «sabrać». Čakaju šerah apieracyj», — skazała jana ŭ hutarcy z ahienctvam. Ciapier Śmiatanina prachodzić lačeńnie ŭ Respublikanskim navukova-praktyčnym centry (RNPC) traŭmatałohii i artapiedyi Minska, dzie jana ŭžo pieraniesła dźvie apieracyi. U aŭtorak paciarpiełaj praviaduć apieracyju na pravaj nazie. «13 vieraśnia jana pastupiła, i ŭsio jašče znachodzicca ŭ nas», - paćvierdzili RBK ŭ RNPC.
U avaryju Śmiatanina trapiła 5 vieraśnia ŭ Barysaŭskim rajonie pad Minskam pa darozie z Maskvy, ale da hetaha času pra zdareńnie nie było viadoma. Dziaŭčyna skarystałasia pasłuhami servisu spadarožnikaŭ. Mašyna, u jakoj jana jechała, sutyknułasia łob u łob z hruzavikom.
