Siońnia pravasłaŭnyja adznačajuć Pakroŭ — adno z samych vialikich śviataŭ hoda
14 kastryčnika biełaruskija pravasłaŭnyja śviatkujuć Pakroŭ Najśviaciejšaj Baharodzicy.
Pakroŭ ušanoŭvajuć tolki chryścijanie ŭschodniaj tradycyi i pieravažna va ŭschodniesłavianskich ziemlach.
Kataliki łacinskaha abradu hetaha śviata ŭ svaim kalendary nie majuć. Hreki pierastali jaho śviatkavać u XV stahodździ.
Da ŭstalavańnia śviata spryčyniłasia źjaŭleńnie ŭ 910 hodzie Baharodzicy śviatomu Andreju dziela Chrysta bažavolnamu va Ułachiernskim chramie Najśviaciejšaj Baharodzicy ŭ Kanstancinopali.
Padčas malebna za ŭratavańnie stalicy Vizantyi ad pahanaŭ, jakija abłažyli horad, śviaty Andrej i jahony vučań Epifan ubačyli Dzievu Maryju, jakaja razharnuła nad viernikami biełuju chustku (amafor). Zastupnictva dapamahło — vorahi adstupili.Pakroŭ-amafor staŭsia simvałam zastupnictva i apieki Božaj Maci nad ludźmi.
«Axini nas pačesnym pakrovam Tvaim, axavaj nas ad usiaho błahoha i mali Syna Tvajho, Xrysta Boha našaha, zbavić dušy našy», — prosiać Baharodzicu chryścijanie padčas śviatočnaj liturhii.
U narodnym kalendary Pakroŭ ličyŭsia pierachodnym śviatam miž vosieńniu i zimoj. «Na Pakroŭ da abiedu vosień, paśla abiedu — zima», — kazali raniej.
Časam na Pakroŭ išoŭ śnieh.
Ale siońnia budzie vielmi ciopła
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary