FK «Barsiełona» vystupiŭ u padtrymku asudžanych katałonskich palitykaŭ
Futbolny kłub «Barsiełona» vystupiŭ u padtrymku asudžanych katałonskich palitykaŭ, zajaviŭšy, što «turma — heta nie rašeńnie [prablemy]».
FC Barcelona announcement
"Prison is not the solution" pic.twitter.com/o0BWOaThgD
«Urehulavańnie kanfliktu ŭ Katałonii mahčyma tolki šlacham palityčnaha dyjałohu», - havorycca ŭ zajavie kłuba ŭ tvitary.
Nahadajem, što siońnia stała viadoma, što Viarchoŭny sud Ispanii vynies prysud dzieviaci katałonskim lidaram u suviazi z arhanizacyjaj refierendumu ab niezaležnaści rehijona ŭ 2017 hodzie. Ich pryznali vinavatymi ŭ miaciažy i rastracie.
Maksimalnyja 13 hadoŭ turmy atrymaŭ były namieśnik kiraŭnika ŭrada Katałonii Aryoł Žunkieras. Jašče troje atrymali pa 12 hadoŭ, adzin — 11,5, dvoje — pa 10,5 i dvoje — pa dzieviać hadoŭ. Troje abvinavačanych atrymali pa hodzie i vaśmi miesiacaŭ zabarony na peŭny rod dziejnaści.
U rašeńni suda padkreślivajecca, što katałonskija lidary nie zaklikali i nie ŭdzielničali ŭ hvałtoŭnych sprobach adździaleńnia Katałonii, ale ŭśviedamlali, što ich dziejańni mohuć pryvieści da sutyknieńniaŭ.
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary