Mižnarodnaja antyvirusnaja kampanija ESET daśledavała płatformu Attor, jakaja jak minimum z 2013 hoda špijoniła za rasijanami i žycharami Uschodniaj Jeŭropy. Vynikami nazirańniaŭ kampanija padzialiłasia na svaim sajcie.
Adznačajecca, što achviarami Attor stali karystalniki z Rasii, Ukrainy, Słavakii, Litvy i Turcyi. Siarod ich dypłamaty i supracoŭniki dziaržaŭnych ustanoŭ.
Attor składajecca z dyśpietčara i płahinaŭ, jakija zahružajucca na skampramietavanuju pryładu ŭ vyhladzie zašyfravanych fajłaŭ DLL. Dla suviazi z kamandnym siervieram vykarystoŭvajecca prahrama Tor.
Attor analizuje aktyŭnaść achviary ŭ braŭziery, miesiendžarach, paštovych dadatkach, servisach IP-telefanii, a taksama sacsietkach «Adnakłaśniki» i «Ukantakcie». Prahrama zdolnaja rabić zdymki z ekranaŭ, pierachoplivać nabrany tekst i źmieściva bufiera abmienu, a taksama zapisvać aŭdyja. Akramia taho, adzin z płahinaŭ źbiraje dadzienyja ab padłučanych mademach, telefonach i fajłavych nazapašvalnikach.
Bolš za ŭsio stvaralnikaŭ Attor cikaviać ličbavyja adbitki padłučanych da kampjutara praz paśladoŭny port GSM-pryład, adznačajuć u ESET. Ličbavyja adbitki ŭ dalejšym mohuć vykarystoŭvacca dla kradziažu dadzienych. Viedajučy typ padłučanaj pryłady, złačyncy mohuć sabrać piersanalny płahin, jaki dazvolić skraści ź jaho dadzienyja i ŭnieści źmieny.
Kamientary