Kiroŭca, z-za jakoha ŭ «pjanaj» avaryi pad Biełaaziorskam zahinuli 5 čałaviek, atrymaŭ maksimalny termin
Nastupnyja 10 hadoŭ jon praviadzie ŭ kałonii ahulnaha režymu. Taki vyrak abvieściŭ sud, paviedamlaje Radyjo Svaboda.
Andrej Bukraba skazaŭ, što nia viedaje, ci budzie abskardžvać prysud. Baćka i siabry Bukraby ad kamientaroŭ admovilisia.
Avaryja zdaryłasia 7 lipienia. Usiedarožnik «Mersedes», jakim kiravaŭ niećviarozy 31-hadovy miascovy žychar, źlacieŭ z darohi na zakruhleńni i ŭpaŭ u kanał. U mašynie było 10 čałaviek. Zahinuli piaciora, u tym liku troje dziaciej.
Pavodle śledčych, u momant avaryi chutkaść aŭtamabila składała 90 km/h. U kryvi kiroŭcy byŭ vyjaŭleny ałkahol — 1,59 pramile. Jon całkam pryznaŭ svaju vinu.
«Jašče raz prašu, prabačcie: ja nikoha nie chacieŭ zabivać», — skazaŭ u apošnim słovie Andrej Bukraba.
«Dvoje chłopcaŭ sieli ŭ bahažnik — i my pajechali». Acaleły ŭ strašnaj avaryi pad Biełaazierskam raspavioŭ padrabiaznaści
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary