Viestern pad Čavusami: milicyjant stralaŭ u napadnika, jaki pahražaŭ nažom žančynie
U milicyju 17 kastryčnika pastupiła paviedamleńnie pra toje, što ŭ adnym z pryvatnych damoŭ u Čavusach adbyŭsia kanflikt, padčas jakoha nažom byŭ paranieny 41-hadovy mužčyna, paviedamlaje telehram-kanał Śledčaha kamiteta.
![](http://nnexpictures.fra1.digitaloceanspaces.com/img/w732d4webp1/photos/z_2019_10/1-5z9r5.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2019_10/2-caq94.jpg.webp)
Śledčyja vyśvietlili, što ŭ toj dzień dva mužčyny i žančyna razam pili. Paśla mužčyny paspračalisia, 65-hadovy miascovy žychar uziaŭsia za nož i mocna paraniŭ sabutelnika.
Kali źjavilisia milicyjanty, jon praciahvaŭ pavodzić siabie ahresiŭna. Mužčyna nie reahavaŭ na patrabavańni pravaachoŭnikaŭ pakłaści nož. Nie dapamoh navat papieradžalny streł u pavietra. Kali mužčyna prystaviŭ nož da žančyny, milicyjant streliŭ jamu ŭ nahu.
Abodvuch udzielnikaŭ hulanki advieźli ŭ balnicu dla akazańnia miedycynskaj dapamohi. 65-hadovamu inkryminujuć naŭmysnaje naniasieńnie ciažkich cialesnych paškodžańniaŭ. Idzie śledstva.
Kamientary