«Nastaŭnik z vučniem siadzić naha za nahu i kuryć» — Łukašenka znoŭ raskrytykavaŭ situacyju ŭ škołach
Alaksandr Łukašenka siońnia na sustrečy ŭ Akademii kiravańnia znoŭ raskrytykavaŭ situacyju ŭ škołach, piša BiełTA.
«U škole pavinien być paradak. Uzhadajcie tyja časy, kali žudasna było ŭjavić, što ciabie vyklučać sa škoły. A zaraz što? Hetaha navat niama. Siońnia nastaŭnik z vučniem siadzić nahu za nahu i kuryć. I raspaviadajuć — soramna navat kazać. Voś u što my pieratvarajem škołu», — źviarnuŭ uvahu Alaksandr Łukašenka, adkazvajučy na pytańni słuchačoŭ akademii.
Na dumku kiraŭnika krainy, škoła — heta asablivaje miesca ŭ žyćci čałavieka. «Heta chram, heta bolš čym carkva. Ty pryjšoŭ tudy atrymać viedy. Škoła — heta asnova asnoŭ. Tamu hladzicie, kab byŭ paradak, heta taksama adno z hałoŭnych pytańniaŭ», — padkreśliŭ Łukašenka.
Łukašenka anansavaŭ vyzvaleńnie ciažkachvorych palitviaźniaŭ1
Kamientary