Łukašenka pra mahčymaść ustupleńnia ŭ ES: Nikoli pra heta nie dumali i mety takoj nie stavili
Pra heta Alaksandr Łukašenka zajaviŭ siońnia na sustrečy ŭ Akademii kiravańnia pry prezidencie Biełarusi, piša BiełTA.
Kiraŭnik dziaržavy raskazaŭ, što taki byŭ jaho adkaz na pytańnie adnaho z pradstaŭnikoŭ Zachadu: «Nikoli pra heta ni ja, ni moj urad pra heta nie dumali, i mety takoj nie stavili».
U suviazi z hetym Alaksandr Łukašenka raskazaŭ, što čytaje roznuju infarmacyju, u tym liku zakrytaha charaktaru: «Mnie raźviedka naša dałažyła adnojčy adzin materyjał, dzie jany (u Jeŭrasajuzie, na Zachadzie) aceńvajuć Biełaruś. I što mianie ździviła (heta dzieści hady dva tamu było), kažuć: samaja prasunutaja kraina va Uschodniaj Jeŭropie i kala JeC, hatovaja biez usialakich źmienaŭ zakanadaŭstva, jašče čahości ŭstupić u Jeŭrasajuz, — heta Biełaruś. heta byŭ zakryty ich dakład, ja pračytaŭ».
Jon ličyć, što navat zachavańnie ŭ Biełarusi śmiarotnaj kary nie stała b niejkim barjeram i nie źjaŭlajecca takim dla znosin u ciapierašni čas. «Kažu: narod prahałasuje - admienim. U nas refierendum prajšoŭ. Vy dumajecie mnie ŭ radaść hetaja śmiarotnaje pakarańnie, što ja padpisvaju, i paśla mianie rasstrelvajuć čałavieka, hruba kažučy? Dy sto hadoŭ heta mnie treba! Ale tak prahałasavaŭ narod, i heta pa kanstytucyi paŭnamoctvy prezidenta ŭ luboj krainie, dzie isnuje śmiarotnaje pakarańnie», — adznačyŭ biełaruski lidar.
Jon dadaŭ, što kali havorka idzie pra śmiarotnaje pakarańnie, jon pryvodzić niekalki kankretnych prykładaŭ žachlivych pa svajoj žorstkaści zabojstvaŭ, u tym liku dziaciej.
Łukašenka anansavaŭ vyzvaleńnie ciažkachvorych palitviaźniaŭ5
Kamientary