Makiej paćvierdziŭ, što Łukašenka pajedzie ŭ listapadzie ŭ Aŭstryju
Alaksandr Łukašenka naviedaje Aŭstryju z aficyjnym vizitam 12 listapada 2019 hoda. Infarmacyju pra heta paćvierdziŭ ministr zamiežnych spraŭ krainy Uładzimir Makiej, adkazvajučy na pytańnie Deutsche Welle na sumiesnaj pres-kanfierencyi ź ministram zamiežnych spraŭ Hiermanii Chajka Masam u paniadziełak, 21 kastryčnika, u Bierlinie.
Pa słovach ministra, zaprašeńnia kiraŭniku Biełarusi pastupili ź niekalkich krain Jeŭrapiejskaha Sajuza, siarod jakich była i Aŭstryja. Vizit u Vienu zapłanavany na 12 listapada.
«My znachodzimsia ŭ vielmi ciesnym kantakcie z našymi aŭstryjskimi partniorami i prapracoŭvajem ekanamičnuju častku prahramy. Akramia hetaha, zapłanavany pieramovy prezidentaŭ Aŭstryi i Biełarusi», - skazaŭ Uładzimir Makiej.
Kamientary