Va Uruččy znajšli cieła maładoha chłopca: ci to skočyŭ sam, ci to jaho vykinuli z «doma žachaŭ»
Adbyłasia biada kala 15-j hadziny dnia ŭ niadzielu, 20 kastryčnika.
Vidavočcy raspaviali, što cieła chłopca ŭpała z doma №7 pa vulicy Šuhajeva, što va Uruččy.
Paśla śmierci chłopca ŭsich naściarožyŭ adzin momant. Krasoŭki lažali vielmi daloka ad cieła. Tamu adrazu pačalisia viersii ab zabojstvie. Pa susiedziach papaŭźli čutki, što chłopca vykinuli ci to z akna, ci to z ahulnaha bałkona, prykładna na 19-21 paviersie.
Ale ž, chutčej za ŭsio, toje byŭ suicyd. Śledčy kamitet pakul pravodzić pravierku, sprava pa fakcie zabojstva jašče nie zaviedzienaja, raspaviali ŭ SK partału Onliner.by. Taksama śledčyja paviedamili, što zahinułamu było 28 hadoŭ.
Da taho ž viadoma, što žychar doma Dzianis zajmaŭsia ŭstanoŭkaj videakamier u padjeździe doma, u jaho kvatery znachodzicca siervier, na jakim zachoŭvajecca videa z kamier. Ale milicyja pakul nie źviartałasia da jaho pa zapisy.
Miascovyja žychary daŭno nazyvajuć hety dom «Domam žachaŭ». Kažuć, raniej tut chapała i narkamanaŭ, i suicydnikaŭ. Ale ŭ apošni čas žychary arhanizavalisia, pastavili videakamiery, stvaryli ahulny čat. Stała spakajniej.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary