Mitynhoŭcy ŭ Biejrucie praśpiavali małomu pieśniu Baby Shark. Ciapier heta himn pratestaŭ, u jakich udzielničaje miljon čałaviek
Padčas pratestaŭ u Biejrucie Elijana Džabur z maleńkim synam Robinam prajazdžała mima mitynhoŭcaŭ na mašynie. Jana paprasiła ludziej nie šumieć, kab nie pałochać Robina, jaki byŭ na piarednim siadzieńni. Tady ludzi vyrašyli vykanać dziciačuju pieśniu Baby Shark. Na videa mały zdajecca ździŭlenym.
«Choć jon i vyhladaje źbiantežanym na videa, zaraz jon pačynaje śmiajacca kožny raz, kali hladzić jaho», — raspaviała Elijana Reuters.
Videa stała papularnym, i ciapier dziciačaja pieśnia pieratvaryłasia ŭ nieaficyjny himn pratestoŭcaŭ u Livanie, jaje remiksy ŭklučajuć padčas demanstracyj, a natoŭp choram padpiavaje.
Livan apynuŭsia na miažy narodnaj revalucyi. Pratesty praciahvajucca ŭžo vosiem dzion. Na vulicy roznych haradoŭ vychodzić da paŭtara miljona čałaviek (usiaho nasielnictva Livana - 6 miljonaŭ). Ludzi pratestujuć suprać urada Saada Charyry.
Paŭtara miljona manifiestantaŭ abvinavačvajuć dziejučuju ŭładu ŭ karupcyi, «palityčnym atłuścieńni» i poŭnym źnievažeńni da patreb prostych ludziej. Ich hałoŭnyja patrabavańni: nieadkładnaja adstaŭka karumpavanaha ŭrada, farmiravańnie novaha kabinieta «technakrataŭ» i praviadzieńnie maštabnych ekanamičnych reformaŭ.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary