Raniej paviedamlałasia, što šerah biełaruskich pradpryjemstvaŭ byŭ atakavany kampjutarnymi virusami. I pa hety dzień tak zvanyja bankaŭskija trajany praciahvajuć źniščać infarmacyjnaje zabieśpiačeńnie biełaruskich pradpryjemstvaŭ usich formaŭ ułasnaści, paviedamlaje pres-słužba milicyi.
Infikavańnie adbyvajecca pa nastupnaj schiemie.
Na elektronnuju poštu pradpryjemstvaŭ nibyta ad partnioraŭ prychodziać «fišynhavyja» listy pad vyhladam roznych dakumientaŭ. Hrebujučy minimalnymi praviłami infarmacyjnaj biaśpieki, supracoŭniki pradpryjemstva adkryvajuć prymacavany fajł i tym samym aktyvujuć dziejańnie škodnasnaj prahramy. Apošniaja źbiraje kanfidencyjnuju infarmacyju i pieradaje jaje na kiravalny siervier.
U nastupnym pry padklučeńni supracoŭnikam pradpryjemstva elektronnaha USB-kluča sistemy «Klijent-bank» na ekranie źjaŭlajecca zastaŭka nibyta pra abnaŭleńnie apieracyjnaj sistemy. Na samaj spravie ŭ hety čas adbyvajecca farmiravańnie i adpraŭka ŭ bank płaciežnaha daručeńnia na pieravod finansavych srodkaŭ na padstaŭnyja rachunki fizičnych abo jurydyčnych asob.
Tolki za apošni tydzień supracoŭniki ŭpraŭleńnia «K» MUS Biełarusi zafiksavali piać faktaŭ kradziažoŭ na ahulnuju sumu bolš za 100 000 rubloŭ.
Kamientary