10 listapada śviet budzie adznačać Suśvietny dzień moładzi — dyk čamu b nie paradavać blizkaha siabra pryjemnym siurpryzam?
Uśviadomlenaje spažyvańnie nabyvaje ŭsio bolšuju značnaść, i milenijały — jakraz tyja, chto zapuskaje hetyja źmieny ŭ hramadstvie. Ich užo nie ździvić zabaŭki z suvienirnaj kramy: jany admoviacca ad rečy, jakaja nie niasie dla ich kaštoŭnaści, ale z zadavalnieńniem buduć karystacca sapraŭdy patrebnym pradmietam ci prynamsi pryhožym. My sabrali 10 idej dla padarunkaŭ da dnia moładzi, jakija dakładna spadabajucca pakaleńniu Y.
1. Naturalnaja kaśmietyka. Moładź pieraaceńvaje kaštoŭnaści baćkoŭ i buduje ŭłasnyja paterny pavodzin. Vybirajučy kaśmietyku, milenijały hladziać na jaje skład. Pry hetym srodki dla dohladu padbirajuć sabie nie tolki dziaŭčaty — chłopcy taksama razumiejuć važnaść jakasnaha dohladu skury. Na sajcie Makeup.by ŭ raździele Health&Care vy znojdziecie kaśmietyku dla dohladu skury i vałasoŭ z dastaŭkaj pa Biełarusi.
2. Vyraby ručnoj pracy. Usio bolš ceniacca aŭtentyčnyja ŭnikalnyja vyraby, jakija niasuć u sabie čaścinku taho, chto ich stvaryŭ. Kali vy ŭmiejecie rabić niešta sami, padumajcie, ci pryjdziecca hety padarunak pa dušy vašamu siabru. Kali vy nie ŭpeŭnienyja ŭ svaich siłach, kupicie vyraby z kieramiki: talerki, kubki, harški, vazy ŭ etna styli. Nie haniciesia za roŭnaj pavierchniaj i simietryčnymi ŭzorami — heta nie ŭ duchu času.
3. Ježa. Padydzicie da padarunka śviadoma i padumajcie, čym ździvić. Heta moža być siertyfikat na viačeru ŭ lubimym restaranie, zaprašeńnie na majstar-kłas pa pryhatavańni sušy, nabory inhredyjentaŭ dla stvareńnia admysłovych stravaŭ i hetak dalej. I nie zabudźciesia pakłapacicca ab stylovaj upakoŭcy.
4. Padarožžy stajać u śpisie pryjarytetaŭ maładych ludziej. Kali mahčymaści dazvalajuć, kupicie siabru kvitok u inšuju krainu ci arhanizujcie pajezdku ŭ inšy horad. Padydzie navat niezvyčajnaja ekskursija ŭ rodnym horadzie, bo ŭ luboha miesca jość svaja historyja, jakoj z radaściu padzielicca daśviedčany ekskursavod abo student histaryčnaha fakulteta.
5. Cikavy volny čas. Kali ŭ horadzie prachodzić niezvyčajnaja vystava, kancert, sustreča ź piśmieńnikam ci inšaja aktyŭnaść, chutčej za ŭsio, milenijał zachoča tam być. Heta nie abaviazkova pavinna być niešta hłabalnaje, časam maleńkija chatnija sustrečy abo kvaterniki, dzie možna pahutaryć z vydatnymi ludźmi, prynosiać bolš radaści. Daviedacca pra takija padziei možna anłajn, pramanitoryŭšy haradskija afišy i sajty publičnych placovak: haradski kavorkinh, teatr, muziej abo pałac kultury.
6. Ramantyčnyja padarunki (kali vy ŭžo nie prosta siabry). Chtości bačyć ramantyku jak spatkańnie pad zorkami, a chtości — jak utulnuju viačeru ŭ restaranie pry śviečkach. Možna paradavać kachanaha čałavieka śviatočnaj stravaj abo razam źbiehčy ŭ susiedni horad i pravieści vychodnyja ŭdvaich. Pamiatajcie, što ramantyka čaściej za ŭsio ŭ nastroi, jaki vy stvarajecie, a nie ŭ pradmiecie jak takim.
7. Paletki dekaratyŭnaj kaśmietyki spadabajucca dziaŭčatam, jakija zachaplajucca modaj i makijažam. Mnohija handlovyja marki aryjentujucca na rynak moładzi i vypuskajuć srodki ź jarkimi adcieńniami ŭ cikavych upakoŭkach — ź imi nie zachočacca rasstavacca navat paśla taho, jak pradukt skončycca. Źviarnicie ŭvahu na takija brendy, jak NUDE, Makeup Revolution i inšyja. Kab być upeŭnienym u tym, što vy dorycie aryhinał, a nie padrobku, rabicie pakupki ŭ pravieranych miescach, naprykład, u multyrehijanalnaj internet-kramie MAKEUP, jakaja staranna padbiraje pastaŭščykoŭ. Kab atrymać pakupku svoječasova, rabicie zakaz zahadzia, pakolki dastaŭka zajmaje ad troch da piaci dzion.
8. «Razumnyja» prybory — pryłady z prystaŭkaj smart dapamohuć adsočvać bijałahičnyja rytmy, lepš vykonvać svaju pracu i zaŭsiody być na suviazi. Smartwatch (razumny hadzińnik) dapamoža vypracavać zvyčku zajmacca sportam ci naładzić zdarovy son.
9. Siarod pakaleńnia Y šmat amataraŭ hulać u Play Station. Niadaŭna vyjšła abnoŭlenaja viersija FIFA 20. Kali vaš znajomy zaciaty zaŭziatar, lubić hulać u futboł abo sočyć za vynikami matčaŭ, jamu dakładna spadabajecca taki padarunak. Ale abaviazkova pierakanajciesia, što ŭ jaho ŭžo jość PS4.
10. U epochu instahrama vysoka cenicca estetyka, tamu vy možacie padaryć što zaŭhodna, kali heta budzie pryhoža.
Paniaćcie «pryhoža» dosyć šyrokaje, ale pa natchnieńnie možna źviarnucca ŭ tuju ž sacyjalnuju sietku i pahladzieć, na kaho padpisany vaš siabar. Prahartaŭšy profili brendaŭ i influensieraŭ, jakich jon fałović, vy chutka zaŭvažycie niešta ahulnaje ŭ ich fotkach u zmožacie sfarmiravać ujaŭleńnie pra jaho hust. Niachaj heta budzie pradmiet mebli, chatni dekor, adzieńnie abo technałohii, pradstaŭniki pakaleńnia Y ceniać momant uručeńnia padarunka, tamu padumajcie nad pakunkam, jaki nie soramna vykłaści ŭ sacyjalnuju sietku.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič28
Kamientary