Navukoŭcy navučyli pacukoŭ kiravać maleńkimi mašynkami VIDEA
Navukoŭcy vyrašyli pravieryć zdolnaść hryzunoŭ navučacca novym navykam i stvaryli dla ich śpiecyjalnyja mašyny, piša CNN.
Navukoŭcy chacieli vyśvietlić, nakolki pacuki zdolnyja navučacca novym navykam i nakolki heta charakterna dla kožnaj asobiny. Daśledčyki pabudavali malusieńkija aŭtamabili, jakija składalisia z pustoha kantejniera dla ježy i elektryčnaj płatformy z kołami.
Unutry kantejniera navukoŭcy stvaryli «rulavoje koła». Kali pacuk braŭsia łapami za miednyja pruty, jany zamykali elektryčny łancuh, jaki ruchaŭ mašynu napierad. Dakranańnie da levaj, centralnaj ci pravaj płanki nakiroŭvała aŭtamabil u roznyja baki.
Navukoŭcy navučali pacukoŭ, uznaharodžvajučy ich smačnaj ježaj kožny raz, kali jany ruchali mašynu napierad. Zatym navukoŭcy pajšli jašče dalej i stvaryli prastakutnuju skrynku płoščaj čatyry kvadratnyja mietry, kab pacuki mahli ŭ joj jeździć. Kamanda pastupova raźmiaščała pačastunki na ścianie skrynki i zaachvočvała hryzunoŭ urazacca ŭ ich na mašynie. Z kožnym razam pačastunki raźmiaščali ŭsio dalej i dalej, tak što pacukam davodziłasia ŭsio dakładniej celicca, kab patrapić u patrebnaje miesca.
U ekśpierymiencie ŭdzielničali 11 samcoŭ i šeść samak pacukoŭ, ale nie ŭsie jany vučylisia adnolkava paśpiachova. Na heta, pavodle vysnoŭ daśledčykaŭ, paŭpłyvała pieravažna navakolnaje asiarodździe. Pacuki, jakija žyli ŭ składanym asiarodździ z pastajannym navučańniem, navučylisia vadzić mašynu značna chutčej, čym tyja, chto žyli ŭ zmročnych i sumnych łabaratornych umovach.
Pa słovach aŭtaraŭ pracy, daśledavańnie praduhledžvaje, što atrymanyja danyja možna pieranieści i na ludziej. Heta značyć naša zdolnaść da navučańnia novym navykam moža mocna zaležać ad našaha asiarodździa.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod13
Kamientary