Rumas: Situacyja ŭ ekanomicy Biełarusi nie zadavalniaje ŭrad

Pra heta zajaviŭ siońnia premjer-ministr Biełarusi Siarhiej Rumas na pasiadžeńni Savieta ministraŭ pa vynikach raboty ekanomiki ŭ studzieni-vieraśni 2019 hoda, pieradaje BiełTA.

«Što tyčycca vynikaŭ studzienia-vieraśnia, to nielha skazać, što situacyja ŭ ekanomicy zadavalniaje ŭrad», — skazaŭ Siarhiej Rumas. Kiraŭnik urada nahadaŭ, što da zaviaršeńnia hoda zastajecca mienš za dva miesiacy, času dla zadziejničańnia reziervaŭ, jakija pa jakich-niebudź pryčynach nie byli vykarystanyja ŭ hetym hodzie, vielmi mała.

«Acenka pracy asobnych dziaržaŭnych orhanaŭ adlustravana ŭ pratakolnym zapisie, jak i miery dyscyplinarnaha ŭździejańnia da ich kiraŭnikoŭ. Hetyja prapanovy abmiarkujem, ale chaču papiaredzić, što heta tolki pieršy padychod da acenki vynikaŭ pracy za hod», — skazaŭ premjer-ministr.

Siarod stanoŭčych tendencyj — u cełym u hetym hodzie zabiaśpiečany rost ekanomiki pry zachavańni makraekanamičnaj zbałansavanaści. Inflacyja utrymlivajecca ŭ miežach zapłanavanych značeńniaŭ, salda źniešniaha handlu tavarami i pasłuhami stanoŭčaje - bolš za $ 520 młn, stabilna pracuje valutny i depazitny rynak. Čysty prodaž valuty nasielnictvam skłała $ 638 młn, subjektami haspadarańnia — $ 719 młn. Praciahvajuć raści terminovyja rublovyja depazity nasielnictva.

Respublikanski biudžet u hetym hodzie vykonvajecca, jak i płanavałasia. «Abaviazacielstvy ŭrada ŭ zamiežnaj valucie vykanany svoječasova i ŭ poŭnym abjomie. Pry hetym zołatavalutnyja reziervy krainy z pačatku hoda pavialičylisia na $ 2 młrd i na 1 listapada skłali $ 9,2 młrd», — adznačyŭ premjer-ministr.

Realnyja hrašovyja dachody nasielnictva ŭ studzieni-žniŭni vyraśli na 6,8%.

Razam z tym nie vykanany najvažniejšyja paramietry pa roście pradukcyjnaści pracy i ekspartu, adstaje ad prahnozu i temp rostu VUP. «Vidavočna, što zapavoleńnie tempaŭ rostu VUP abumoŭlena admoŭnaj dynamikaj ŭ klučavych halinach ekanomiki. Zapavolvacca tempy rostu pramysłovaści. Za 9 miesiacaŭ abjom pramysłovaj vytvorčaści skłaŭ 100,7%, nie vyrašajecca sistemnaja prablema — adsutnaść abarotnych srodkaŭ», — źviarnuŭ uvahu Siarhiej Rumas.

Źnižeńnie pramysłovaj vytvorčaści zakanamierna paciahnuła ŭniz transpartnyja pasłuhi i aptovy tavaraabarot. «U transpartnaj śfiery z pačatku hoda my ŭžo prasieli na 2,3 pracentnych punkta, u aptovym handli - na 3,4 pracentnych punkta», — zaŭvažyŭ kiraŭnik urada.

Premjer-ministr daručyŭ paznačyć u siońniašnich dakładach vyraznyja miery pa vychadu na abiacanyja paramietry, asablivuju ŭvahu nadać pytańniam skaračeńnia vydatkaŭ u padparadkavanych arhanizacyjach i mierach pa zabieśpiačeńni rostu pradukcyjnaści pracy.

• 0
• 0
• 0
• 0
• 0
• 0
• 0
• 0