Prakuratura — rektaru MIU: Jašče adzin pikiet studentaŭ, i budzie administratyŭnaja adkaznaść
U piatnicu, 15 listapada, rektara Minskaha inavacyjnaha univiersiteta, dzie strajkavali studenty, vyklikali ŭ prakuraturu. Mikałaju Sušu ŭručyli aficyjnaje papiaredžańnie ab niedapuščalnaści parušeńniaŭ patrabavańniaŭ zakanadaŭstva ab masavych mierapryjemstvach, piša Tut.by.
Supracoŭniki prakuratury, raspaviadaje Mikałaj Suša, chacieli ź pieršych vusnaŭ daviedacca, što adbyvajecca ŭ VNU.
«Akramia mianie, u prakuraturu vyklikali načalnika adździeła pa vychavaŭčaj rabocie, a taksama studentku, jakaja źjaŭlajecca sakratarom BRSM univiersiteta, — kaža rektar. — Sustreča prajšła vielmi kulturna i pavažliva. Mnie skazali, što prakuratura zapatrabavała ŭsie dakumienty pa našaj akredytacyi. Ciapier śpiecyjalisty buduć ich vyvučać».
Na sustrečy kiraŭniku MIU ŭručyli papiaredžańnie ab niedapuščalnaści parušeńniaŭ patrabavańniaŭ zakanadaŭstva ab masavych mierapryjemstvach. U dakumiencie skazana: u arhanizacyi i praviadzieńni masavaha mierapryjemstva ŭ budynku MIU prakuratura horada Minska vyjaviła parušeńni patrabavańniaŭ Zakona «Ab masavych mierapryjemstvach». Masavyja mierapryjemstvy, napisana ŭ papiaredžańni, mohuć pravodzicca tolki z dazvołu Minharvykankama.
Akramia taho, pa dadzienych prakuratury, padčas «pikietavańnia» Mikałaj Suša nie tolki nie pryniaŭ «mier da spynieńnia niesankcyjanavanaha masavaha mierapryjemstva, ale i źjaŭlaŭsia jaho udzielnikam».
Rektara papiaredzili: kali «anałahičnyja parušeńni paŭtaracca», kiraŭnika VNU mohuć pryciahnuć da administracyjnaj adkaznaści pa art. 23.34 KaAP RB (Parušeńnie paradku arhanizacyi abo praviadzieńnia masavych mierapryjemstvaŭ).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym7
Kamientary